Yenna-d Mass Rezig dakken imeẓla n usefqed n ugezdu-nnes gan 1.801.578 n tgermanin ay yessawḍen ɣer uwekked n 153.101 n yirkaḍen d uheyyi n 145.359 n yiẓmaẓen imyaganen n ucaṛeɛ.

Yerna-d dakken imeẓla n usefqed ssumren-d amdal n 12.004 n tḥuna am wakken ay ddmen akaten ideblanen yerzan abbar n yilzazen s wazal n 2 n yimelyaṛen n yidinaṛen.

Deg wayen yerzan amḍan n tgermanin yerzan timeskar tinezzanin, wwḍent ɣer 941.909 n tgermanin, ɣef leḥsab n uneɣlaf ay d-yernan dakken tigermanin-a ssawḍent ɣer uwekked n 107.822 n yirkaḍen ay yessawḍen ɣer uheyyi n 103.572 n yiẓmaẓen imyaganen yessawḍen ɣer ucaṛeɛ.

Yerna-d dakken asmidden n usaḍuf yerzan amennuɣ mgal usmurer arusḍif s watigen d ayen ay yessawḍen kra n yimsenza ad beddlen tiddit, yernu qqlen smidilen lbaṭaṭa beṛṛa i usaḍuf, yernu iwekked-d uneɣlaf dakken asmidden n usaḍuf-a yessaweḍ ɣer wugar n 100 n temsal n ucaṛeɛ deg 15 n wussan, d tid aydeg ara ttwacaṛɛen yimsenza ay yesmidlen lbaṭaṭa d uzatim.