Menu principal

Menu principal

Tukksa n wunjugen i 679 n yisenfaren n usefti seg gar 877

Yeffeɣ-d ass n : Aynas, 17 Yennayer 2022 10:43   Ɣran-t : 5 n tikkal
Tukksa n wunjugen i 679 n yisenfaren n usefti seg gar 877

ZZAYER TAMANEƔT – Ixebber-d uneb dammas n tegduda dakken ttwakksen wunjugen i 679 n yisenfaren n usefti seg gar 877 imi ay asen-d-yettunefk usireg n wammad d ubeddu n ufares, ɣef wakken ay d-yenna yiwen n ulɣu n useqqamu n yineɣlafen.

« S usnas n tsunḍiwin n uselway n tegduda deg useqqamu n yineɣlafen n 21 Wamber 2021 i uḍfar d usekker n yisenfaren deg uswir aɣelnaw, tajṛut, tajṛut, yessemned-d unebdammas n tegduda aneskin ɣef tegnit n yisenfaren n usefti yuglen deg mennaw n tɣula », ɣef wakken ay d-yenna ulɣu-a.

« Anebdammas n tegduda ixebber-d dakken ttwakksen wunjugen i 679 n yisenfaren n usefti seg uɣrud n 877 n yisenfaren yernu ttunefken-asen-d yisirgen n wammad d ubeddu n ufares. Isenfaren-a llan-d deg 40 n twilayin yernu d wid ara iḍemnen 39.242 n yinsaten n umahil », ɣef wakken ay d-yerna uɣbalu-a.

Mi ifuk usemned-a, yefka uselway n tegduda tisunḍiwin akken uddun yessefk ad d-yili s tiffrawent yernu yessefk ad d-yebder adeg d ugama n yal asenfar am wakken ara d-yebder unjugen ay yesɛa yal asenfar.

Iwekked-d daɣ dakken yessefk ad yili usemgerrad, deg wuddun, gar yisenfaren yuglen yernu zemren ad d-sɣenwen tabaɣurt s wazal yernan, insaten n umahil n tidet d yisenfaren yuglen ɣef lǧal n tmentilin titwilanin.

Yumeṛ daɣ uselway Tebboune akken ad d-sseddun, deg uneskin n unebdammas n tegduda, azal adriman s uqariḍ aɣelnaw d uqariḍ amdus, n yal asenfar yettwaqebren.

 

Tukksa n wunjugen i 679 n yisenfaren n usefti seg gar 877
  Yeffeɣ-d ass n : Aynas, 17 Yennayer 2022 10:43     Taggayt : TADAMSA     Ɣran-t : 5 n tikkal   Bḍu