Menu principal

Menu principal

Zzayer yessefk ad tessedwet ulzuz aɣelnaw yernu ad taɣed ɣer usiǧew

Yeffeɣ-d ass n : Akras, 12 Yennayer 2022 10:58   Ɣran-t : 17 n tikkal
Zzayer yessefk ad tessedwet ulzuz aɣelnaw yernu ad taɣed ɣer usiǧew

TIHERT – Yenna-d uneɣlaf n temguri, Ahmed Zaghdar, ass n usinas deg Tihert, dakken imseftiyen yessefk ad qablen acqirrew n usedwet n wulzuz aɣelnaw yernu ad taɣed ɣer usiǧew akken ad d-tesduqqes tadamsa taɣelnawt.

Deg terzi-nnes n uswaḍ ɣef twilayt-a, iwekked-d uneɣlaf dakken imseftiyen yessefk ad qablen acqirrew-a i useggas n 2022 akken ay t-id-yeɣtes uselway n tegduda, Mass Abdelmadjid Tebboune.

Iḥettet-d Mass Zaghdar, deg temsalt-a, ɣef umahel i lmend n usedwet n wulzuz aɣelnaw s yifarisen yemgerraden d usiɣed n tdamsa tazzayrit ɣer usiǧew ɣer wulzuzen iwerdaniyen, ladɣa ulzuzen ifriqiyen d yigrakalanen s uslummes ɣef tɣara d unmezgi.

Iwekked-d dakken imseftiyen izzayriyen, ladɣa wid yettmahalen deg twilayt n Tihert, sɛan iketturen d wammaken « akken ad qablen acqirrew-a s yifarisen ara d-yettewgen s tnegwa timenza d tidiganin n tɣara tunnigt ara izerken tiwtilin n wulzuz uffiɣ ara asen-ireẓmen tiwwura i usiǧew ɣer tmura tigrakalanin d tefriqiyin ».

« Aɣad n kra n teṛmisin akken ad awḍent ɣer uktamur n unummed n 100% s useqdec n tnegwa timenza tidiganin d asurif umnig ara as-d-yessigren i uwanak aqariḍ amdus ayyes yella, naqal, yettaǧew-d tinegwa-a, am wakken ara yedrew waya deg usduqqes n tdamsa taɣelnawt s uktamur ay ittezzin gar 6 d 15% », ɣef wakken ay d-yenna uneɣlaf.

 

Last modified on Akwas, 13 Yennayer 2022 08:45
Zzayer yessefk ad tessedwet ulzuz aɣelnaw yernu ad taɣed ɣer usiǧew
  Yeffeɣ-d ass n : Akras, 12 Yennayer 2022 10:58     Taggayt : TADAMSA     Ɣran-t : 17 n tikkal   Bḍu