Menu principal

Menu principal

Iwekked-d Zaghdar tixxutert n wassaɣen gar teṛmisin tinagdudin timguranin d tgemma

Yeffeɣ-d ass n : Asinas, 28 Dujembeṛ 2021 08:38   Ɣran-t : 23 n tikkal
Iwekked-d Zaghdar tixxutert n wassaɣen gar teṛmisin tinagdudin timguranin d tgemma

ZZAYER TAMANEƔT – Iwekked-d uneɣlaf n temguri, Ahmed Zaghdar, ass n uynas deg Zzayer, ɣef tixxutert n wassaɣ gar teṛmisin tinagdudin timguranin d tgemma, ɣef wakken ay d-yenna yiwen n ulɣu n uɣlif.

Aneɣlaf n temguri yesweḍ tanaremt n uɣraf n FABLAB n Tzzayrit n Tmeṣkiwt n Yisgulaf d Tdumṣukt Tamɣuzant (ALRIM) yellan d arufk n Tegrawt n Temguriwin Tigemɣuzanin d Tguzzalt (IMETAL), yernu iga tirzi-a ɣer yidis n uneɣlaf anesmigal ɣer uneɣlaf amenzu d-yelhan s temẓermisin, Nassim Diafat.

Tanaremt-a d tin ay yessegraren wid ara yeqqnen d inemhalen n tgemma d yijenyuṛen isnegmayen ilemẓiyen i useɣnew d uciri n teṛmisin-nsen timaynutin d usileɣ n yilemẓiyen deg mennaw n tmezzugin s uzrak n tegna tigraɣlanin, ɣef wakken ay d-yenna uɣbalu-a.

Mass Zaghdar iwekked-d dakken agzum-nnes yessebɣas tigrawin timguranin d teṛmisin tinagdudin akken ad sɛunt tinarmin i usnegmu n usfar, yernu d aya ara yesmeɣren aktamur n unummed aɣelnaw deg mennaw n yifurka imguranen.

 

Last modified on Akras, 29 Dujembeṛ 2021 10:01
Iwekked-d Zaghdar tixxutert n wassaɣen gar teṛmisin tinagdudin timguranin d tgemma
  Yeffeɣ-d ass n : Asinas, 28 Dujembeṛ 2021 08:38     Taggayt : TADAMSA     Ɣran-t : 23 n tikkal   Bḍu