Mi yesselwi timlilit tawalant n useqqamu n yineɣlafen, yumeṛ uselway n tegduda s uzeddi n tegrawt n umahil ara iceggren angal n tnezzut i usezgi-nnes ɣer tsemmeskal tidamdanin, ɣef wakken ay d-yenna ulɣu n useqqamu n yineɣlafen.

Deg wayen yerzan aseɣnew n telɣa tamaynut n teṛmisin s yisem n « taṛmist s tfulin yettwasḥerfin », yenna-d uɣella n uwanak dakken « aseɣnew n telɣa tamaynut n teṛmisin deg ugzum n tgemma d ayen ara yesbeɣsen ilemẓiyen akken ad sseftin ugar », yernu iwekked-d ɣef « tḍullit n usegrew n yidrimen i usefti deg teṛmisin-a deg ukatar n tdinamit tadamsant yezgan tmehhez, d tin ibeɛden ɣef tmeẓla tadeblant yettruẓun ifadden ».

Iwekked-d daɣ uselway Tebboune ɣef tixxutert n « uslelli n tsentayin d urẓam n ubrid i yimawlan n yisenfaren akken ad adfen ɣer umaḍal adamsan war unjugen ara asen-yerẓen ifadden yernu ad asen-ssiwɣen tisseɣnewt-nsen ».

Iḥettet-d daɣ ɣef « usmal n tmuɣli tumnigt deg usnas n tsertit tadamsant d tamellilt d uslelli n tsentayin seg wunjugen d tsekkirin timaẓayin ».