Menu principal

Menu principal

Yesselwi uselway Tebboune alday n yimuhal n usarag aɣelnaw ɣef usduqqes amguran

Yeffeɣ-d ass n : Asiḍyas, 04 Dujembeṛ 2021 14:52   Ɣran-t : 1 n tikkal
Yesselwi uselway Tebboune alday n yimuhal n usarag aɣelnaw ɣef usduqqes amguran

LEZZAYER  TAMANEƔT – Aselway n Tegduda, Mass Abdelmadjid Tebboune yesselwi, ass n usiḍyas (ssebt) deg Lezzayer tamaneɣt, alday n yimuhal n usarag aɣelnaw ɣef usduqqes amguran, iswan-nsen d asersi n yiwet n tmuɣli tastratijant i ugzum amguran akked umjaji n yisegbaren ɣef usduqqes adamsan.

Imuhal n usarag-a i yessuddes uneɣlaf n Temguri, la d-iḍerru deg Leqṣer n yiɣlanen, deg wayen yerzan alday akked tɣuri n yinawen, ma d tinemsal akked yiskasiyen, ad ilin deg Wammas agraɣlan n yisaragen, seg 4 ar 6 dujember, ddawn usentel « Ddukli i wakken ad nqabel acqirrew ».

Alday n tedyant-a yeḍra-d s tihawt n uselway n Useqqamu n Uɣlan Salah Goudjil, aselway n Ugraw aɣerfan aɣelnaw, Ibrahim Boughali, aneɣlaf Amenzu, aneɣlaf n Tiẓraf Aïmene Benabderrahmane, akked yinesɣuma n unabaḍ, ideg yella uneɣlaf n Temguri, Ahmed Zaghdar.

Yella daɣen uselway n Useqqamu aɣelnaw adamsan, anmetti akked uwennaḍan, Reda Tir, ikataren n Uwanak, iɣellaten n teṛmisin akked tegrawin timguranin, tinagdudin neɣ tusligin, imasayen n tedbelt akked tsuda ilan aseɣwen akked ugzum n temguri akked usidrem, wi akk ttekan.

Last modified on Asamas, 05 Dujembeṛ 2021 09:46
Yesselwi uselway Tebboune alday n yimuhal n usarag aɣelnaw ɣef usduqqes amguran
  Yeffeɣ-d ass n : Asiḍyas, 04 Dujembeṛ 2021 14:52     Taggayt : TADAMSA     Ɣran-t : 1 n tikkal   Bḍu