Menu principal

Menu principal

Acegger n Umtawa n Ublag gar Zzayer d Tdukli Tuṛufit d tagnit i usnegmu n tdamsa n tmurt

Yeffeɣ-d ass n : Asiḍyas, 27 Wamber 2021 10:28   Ɣran-t : 0 n tikkal
Acegger n Umtawa n Ublag gar Zzayer d Tdukli Tuṛufit d tagnit i usnegmu n tdamsa n tmurt

ZZAYER TAMANEƔT – Yenna-d uselway n tegduda, Abdelmadjid Tebboune, dakken acegger n Umtawa n Ublag d Tdukli Tuṛufit d ayen ara yeǧǧen Zzayer ad d-tesfaydi seg usunfu adwanan ara as-yesjehden tadamsa-nnes yernu ad as-yesnerni afares d usiǧew-nnes.

« Ttwaliɣ dakken Amtawa n Ublag d Tdukli Tuṛufit d agmuḍ n uḍɛaf n uwanak azzayri. Tadukli Tuṛufit ur telli trewla fell-as yernu amtawa n ublag d umɣiwan-a yessefk ɣef lǧal n ssebbat yemgerraden. D acu kan, s kra n umtawa adamsan ara d-yilin yessefk ad yili i lfayda n yidisan ay iderwen deg-s », ɣef wakken ay d-yenna uselway Tebboune deg yiwet n tdiwennit d yigensasen n tɣemsa taɣelanwt ay d-iɛeddan ass n usimwas.

« Ɣef umedya, timerniwt n tẓeṭṭaḍin tidwananin ay d-yettwaḥettmen ɣef kra n yifarisen d ayen ayseg d-sfaydint tmura tinfarasin akken ad zemrent ad ssiǧwent, ma d tamurt d-yettaǧwen yessefk ad tcegger akaten-a akken ad tessejhed tadamsa-nnes yernu ad d-tcir afares-nnes », ɣef wakken ay d-yenna.

Deg temlilit n useqqamu n yineɣlafen ay d-yellan ass n 31 Tubeṛ yezrin, yumeṛ Mass Tebboune akken ad ceggren akaten n umtawa n ublag d Tdukli Tuṛufit « tawtilt, tawtilt », ɣef leḥsab n tmuɣli tanayant s temyadast n « rrbeḥ i sin n yidisan » s tukci n wazal i ufaris aɣelnaw i lmend n useɣnew n tẓeḍḍawt tamgurant d temras.

 

Last modified on Aynas, 29 Wamber 2021 14:20
Acegger n Umtawa n Ublag gar Zzayer d Tdukli Tuṛufit d tagnit i usnegmu n tdamsa n tmurt
  Yeffeɣ-d ass n : Asiḍyas, 27 Wamber 2021 10:28     Taggayt : TADAMSA     Ɣran-t : 0 n tikkal   Bḍu