Menu principal

Menu principal

Tiyufa tisnuddsanin: Azeddi n tsemsedda ara iḍemnen asnegmu-nsent

Yeffeɣ-d ass n : Asimwas, 22 Tubeṛ 2021 12:09   Ɣran-t : 6 n tikkal
Tiyufa tisnuddsanin: Azeddi n tsemsedda ara iḍemnen asnegmu-nsent

MƐESKEṚ - Ihayya-d unabaḍ tisemsedda yessefken i usnegmu n tyufa tisnuddsanin, ɣef wakken ay d-yenna, ass n ukwas, unemhal n usileɣ ɣer uɣlif n tkerrazt, Farid Harouadi, i lmend n urẓam n usarag amnaḍan n twilayin n utaram n tmurt.

« Yesmemmi unabaḍ tiferkit n ubrid n uɣlif n tmaḍirt i usnegmu n tyufa tisnuddsanin, yernu izedda-d tisemsedda ara iḍemnen asmekmem d userbeḥ n tferkit-a n ubrid deg unrar deg wakk iswiren, ama seg yidis azerfan, ama seg yidis n yimetwiyen n udhal, n tmunit d usileɣ atwilan », ɣef wakken ay d-yenna Mass Harouadi s yisem-nnes d agensas n uɣlif n tkerrazt, i lmend n urẓam n usarag ɣef usnegmu n tyufa tisnuddsanin ay yessuddes uɣlif n tmaḍirt.

Aɣlif n tkerrazt, ɣef wakken ay d-iwekked, « yessaram adraw n wakk idisan ay terza temsalt n wahil n usnegmu n tyufa tisnuddsanin, ama d imkerrazen, ama d imsatwilen, ama d imuzzayen niɣ d imasayen n yiɣsuren ibankanen d yideblanen deg ukatar n tiddit-a ».

Yesmekti-d dakken tamhelt-a iswi-nnes d « asemselsi n yifarisen d-yettwaǧwen s yifarisen iɣelnawen i uḍman n umnekni n tsistelt tanezzant d useḍru n usnegmu anmetti d udamsan ».

Seg yidis niḍen, yenna-d Farid Harouadi dakken amyager-a, aydeg derwen yigensasen seg 10 n twilayin n utaram n tmurt, « iswi-nnes d asemned n wakaten ay teddem tmaḍirt i usnegmu n tyufa tisnuddsanin s usugget n uskurrez n ukulza d uwekked ɣef wakaten isebɣasen ay yettwaɣetsen i ubaɣur n yimkerrazen d yimsemhal idamsanen i usnegmu n yifurka ikerrazanen yesɛan azal yernan ».

 

Tiyufa tisnuddsanin: Azeddi n tsemsedda ara iḍemnen asnegmu-nsent
  Yeffeɣ-d ass n : Asimwas, 22 Tubeṛ 2021 12:09     Taggayt : TADAMSA     Ɣran-t : 6 n tikkal   Bḍu