Menu principal

Menu principal

Yessefk ad d-yili waɣad n unagraw asnaddadan akken ad yili d tiririt tamellilt i yisraten  

Yeffeɣ-d ass n : Akwas, 21 Tubeṛ 2021 09:58   Ɣran-t : 0 n tikkal
Yessefk ad d-yili waɣad n unagraw asnaddadan akken ad yili d tiririt tamellilt i yisraten  

ZZAYER TAMANEƔT – Iwekked-d uneɣlaf n usemḍen d tesnaddadin, Hocine Cherhabil, ass n ukras deg Zzayer Tamaneɣt, dakken asermed n Useqqamu Aɣelnaw n Tesnaddadin d ayen ara iderwen deg usduqqes d waɣad n unagraw aɣelnaw n tesnaddadin ɣer tririt d tamellilt i lmend n yisraten inmettiyen-idamsanen.

Deg yiwet n tinawt ay d-yenna i lmend n tfugla n usdabu n Useqqamu Aɣelnaw n Tesnaddadin, ay yesselwi uneɣlaf amenzu, Aimene Benabderrahmane, yenna-d uneɣlaf dakken agzum-nnes yessaram ad as-d-yerr i useqqamu-a « tamlilt tagellusant ay iɣaben deg yiseggasen-a ineggura, akken ad yezmer ad d-iḥettem tihawt-nnes ay yessefken deg wayen yerzan anagraw n tesnaddadin ».

Iwekked-d, i lmend n waya, dakken anagraw n tesnaddadin yeqqel « d ameẓḍu ugar ɣef lǧal n usuter utrib d unernay n yiseqdacen n tesnaddadin deg uswir aɣelnaw akked tḍullit n umezgi d tegna tigraɣlanin d tukci n yisefka ayɣef yella lettkal, d wid ara yeǧǧen tamurt ad tesselhu asmunu-nnes deg yinagrawen n usmunu n tsuda tigraɣlanin yemgerraden ».

I lmend n uselhu n lewṣaya tamaynut n useqqamu-a ɣef leḥsab n lewṣayat-nnes yezrin, ceggren imaslaḍen n useqqamu-a yernu smeɣren amḍan-nsen akken ad derwen deg-s wudmawen yesɛan asiɣer d tmussniwin deg tɣult n tesnaddadin. S waya, derwen deg-s gar 5 d 10 n yimuzzayen yettwassiɣren yernu ttwafernen-d ɣef leḥsab n yisefran d imesɣura s uzrak n usenwi aneggaru ay d-yellan deg tanaḍt taslekmant yerzan asuddes d tuɣdaḍin n Useqqamu Aɣelnaw n Tesnaddadin, ɣef wakken ay d-yerna uneɣlaf.

Iwekked-d daɣ Mass Cherhabil dakken Aseqqamu Aɣelnaw n Tesnaddadin « yessefk ad yedrew, imir-a, ugar akk akuden niḍen, deg wallus n uktazel n unagraw aɣelnaw n tesnaddadin yernu ad d-yessuffeɣ isemtar yessefken, wid ayyes zemrent ad d-ilint tsemmeskal yessefken i lmend n uḍman n uheyyi n tesnaddadin ayɣef yella lettkal am wakken ad ara qqlent tesnaddadin, am zik, d afecku umasan ara sqedcen yiduba inagduden i uḍfar n umlazmar n unabaḍ d tuddma n yiɣtasen ama deg uswir alemmas, ama deg uswir adigan ».

 

Last modified on Asamas, 24 Tubeṛ 2021 12:28
Yessefk ad d-yili waɣad n unagraw asnaddadan akken ad yili d tiririt tamellilt i yisraten  
  Yeffeɣ-d ass n : Akwas, 21 Tubeṛ 2021 09:58     Taggayt : TADAMSA     Ɣran-t : 0 n tikkal   Bḍu