Menu principal

Menu principal

Lbaṭaṭa: Tinectiwin yettwabren ad nzent s 50 n yidinaṛen i ukilu

Yeffeɣ-d ass n : Akras, 20 Tubeṛ 2021 12:10   Ɣran-t : 1 n tikkal
Lbaṭaṭa: Tinectiwin yettwabren ad nzent s 50 n yidinaṛen i ukilu

BUMERDAS – Yenna-d uneɣlaf n tnezzut, Kamel Rezig, ass n usinas, dakken 12.000 n yiṭunen n lbaṭaṭa yettwabren ara yenzen, deg wussan ay d-itteddun, s 50 n yidinaṛen i ukilu deg wakk tiwilayin n tmurt.

Deg yiwet n tesguri i tɣemsa, deg yijifeṛ n urẓam n Tmesrit 1ut n Usiǧew ay ssuddsen deg Bumerdas, ixebber-d Mass Rezig dakken aneɣlaf amenzu yeqbel asumer ay d-yefka ugezdu n tnezzut i usenzi n lbaṭaṭa yettwabren s 50 n yidinaṛen i ukilu.

Asɣenzi n lbaṭaṭa yettwabren ur yettɛeṭṭil ara ad yebdu, yernu ad d-yili waya mi ara fakent tsekkirin tizerfanin d tdeblanin, ɣef wakken ay d-ixebber uneɣlaf, ay d-yernan dakken d yiwet n teṛmist tanagdudt yemmuzzgen ara d-yelhun s usenzi n tnectiwin-nni yettwabren deg wakk tiwilayin aydeg tettwaber.

Taṛmist-a ad siggen fell-as yimeẓla n uɣlif yernu ssumren-as-d ad tessenz lbaṭaṭa deg tculliḍin n 5 n yikuluten, ɣef wakken ay d-yerna.

Yesmekti-d uneɣlaf dakken abbar n tnectiwin-a yella-d s umyalel gar yimeẓla n tnezzut d wid n temsetla taɣelnawt d temsulta, yernu deg temhal n wabbar, ẓedmen ɣef wugar n 1000 n tmidal d yimsisemḍen deg temnaḍin yemgerraden n tmurt yernu d aya ay yessawḍen ɣer wabbar n lbaṭaṭa sɣur 50 n teṛmisin.

 

Last modified on Akwas, 21 Tubeṛ 2021 10:04
Lbaṭaṭa: Tinectiwin yettwabren ad nzent s 50 n yidinaṛen i ukilu
  Yeffeɣ-d ass n : Akras, 20 Tubeṛ 2021 12:10     Taggayt : TADAMSA     Ɣran-t : 1 n tikkal   Bḍu