Deg yiwen n usarag n tɣemsa ay gan deg yijifeṛ n urẓam n usarag amnaḍan d-yellan i tgemma, « Constantine Disrupt », ay d-yellan deg tzeqqa n Ḥmed Bay, yenna-d uneɣlaf anesmigal dakken « sbegsen-d amelyaṛ n yidinaṛen i usidrem n tgemma », am wakken ay d-yerna dakken tallayt-a ad ternu ɣef leḥsab n yisraten d yisutren.

Yenna-d Mass Yacine Oualid dakken asidrem n tgemma ur itteddu ara s tiddit « tansayant » yettwaḍfaren deg ukatar n yimetwiyen n tallalt i usemres, am wakken ay d-yerna dakken asidrem-a ad d-yili i yihriyen n tgemma i tallit n sḍis n yiseggasen.

Yerna-d daɣ dakken asidrem n tgemma yettili-d « tajṛut s tejṛut » yernu yecreḍ-d ɣef teṛmist tasfarant ad tesɛu idli, aɣawas anezzan d waddad n tsiḍent.

Iwekked-d daɣ uneɣlaf anesmigal dakken yessefk ad yili umleɣwi deg udhal n tgemma, yernu yebder-d, deg waya, azdisidrem (asidrem s yisenduqen d tbankiwin) i tmunit n teṛmisin tisfaranin.