Menu principal

Menu principal

Sonatrach: 80% seg yiguta yettwazemlen deg usḍisyur amezwaru n 2021 yella-d d teṛmisin tizzayriyin

Yeffeɣ-d ass n : Aynas, 11 Tubeṛ 2021 12:43   Ɣran-t : 63 n tikkal
Sonatrach: 80% seg yiguta yettwazemlen deg usḍisyur amezwaru n 2021 yella-d d teṛmisin tizzayriyin

ZZAYER TAMANEƔT – Ugar n 80% seg yiguta ay tezmel Sonatrach deg usḍisyur amezwaru n 2021 yella-d d teṛmisin tizzayriyin yernu yella-d waya s usnas n tesnuddest tamaynut n tegrawt i lmend n usmal n ugbur adigan d usnummed aɣelnaw, ɣef wakken ay d-yenna, ass n usamas deg Zzayer Tamaneɣt, uselway-anemhal amatu n tegrawt, Toufik Hakkar.

Amḍan ummid n yiguta yettwazemlen d teṛmisin tiɣelnawin yewweḍ ɣer 827 s wazal n 219 n yimelyaṛen n yidinaṛen, seg gar 1.038 n yiguta yettwazemlen deg usḍisyur amezwaru n 2021, ɣef leḥsab n yisefka ay d-yettwasmenden deg tfugla n uzmal n Tesguri Tamatut n Tsertit n Ugbur Adigan d Unummed Aɣelnaw n Sonatrach.

Gar yiguta yettwazemlen d teṛmisin tizzayriyin, Sonatrach twemmeṛ 286 n yiguta d teṛmisin tinagdudin (35%) d 541 n yiguta d teṛmisin tusligin (65%).

Azal amakki n 1.038 n yiguta ay tezmel Sonatrach deg usḍisyur amezwaru n 2021 yewweḍ ɣer 430 n yimelyaṛen n yidinaṛen (3,25 n yimelyaṛen n yidulaṛen) ɣef wayyen ay d-yerna uɣbalu-a.

Deg wayen yerzan azunen n yiguta-a, 469 n yiguta rzan « asisi n tɣawsiwin ay teḥwaj teṛmist » (gar-asen 277 n yiguta d teṛmisin tiɣelnawin) s wazal n 28 n yimelyaṛen n yidinaṛen, 373 n yiguta rzan « imeẓla » (gar-asen 359 n yiguta d teṛmisin tiɣelnawin) s wazal n 152 n yimelyaṛen n yidinaṛen, 152 n yiguta rzan « imahilen » (gar-asen 151 n yiguta d teṛmisin tiɣelnawin) s wazal n 35 n yimelyaṛen n yidinaṛen, 37 n yiguta n « tezrawt d usemter » (gar-asen 33 n yiguta d yiɣelnawen) s wazal n 0,4 d amelyaṛ n yidinaṛen d 7 n yiguta n usɣiwes, asisi d tmeṣkiwt d yineblagen izzayriyen s 15 n yimelyaṛen n yidinaṛen, ɣef leḥsab n yisefka n Sonatrach.

 

Last modified on Asinas, 12 Tubeṛ 2021 12:09
Sonatrach: 80% seg yiguta yettwazemlen deg usḍisyur amezwaru n 2021 yella-d d teṛmisin tizzayriyin
  Yeffeɣ-d ass n : Aynas, 11 Tubeṛ 2021 12:43     Taggayt : TADAMSA     Ɣran-t : 63 n tikkal   Bḍu