Menu principal

Menu principal

Zzayer tessefray asiǧew n tgezzayt n « CoronaVac » ɣer tmura tifriqiyin

Yeffeɣ-d ass n : Asinas, 28 Ctembeṛ 2021 10:19   Ɣran-t : 2 n tikkal
Zzayer tessefray asiǧew n tgezzayt n « CoronaVac » ɣer tmura tifriqiyin

ZZAYER TAMANEƔT – Zzayer tessefray ad tessiǧew tagezzayt n unfafad bu tedri n « CoronaVac » ɣer tmura n Tefriqt. Tanecta tamezwarut n tgezzayt-a ad d-teffeɣ ass n ukras seg tneɣreft n Saidal n Qsenṭina, ɣef wakken ay d-yenna, ass n uynas, uneɣlaf n temguri tawesfart, Abderrahmane Lotfi Djamel Benbahmed.

Deg wawal-nnes deg ṛṛadyu taɣelnawt, yenna-d Mass Benbahmed dakken Zzayer « ad tebdu asiǧew n CoronaVac deg ukatar n tsentayt n 'Africa-Vac’ i lmend n tduli n yisraten n tmura tifriqiyin ».

I lmend n waya, ixebber-d dakken ad d-terzu, s wudem unṣib ɣef Zzayer, yiwet n tmagla n Tnegga n Tdawsa Yemmuzzgen n Tdukli Tafriqit gar 13 d 18 Tubeṛ ay d-itteddun yernu yenna-d dakken « tanegga-a tafriqit tesɛa ammaken d imeqqranen i tmesɣiwt n tgezzayt-a tazzayrit ».

« Nezmer ad neqqel d tiɣerɣert tafriqit n ‘taceṛt d usgiri’ s ukettur n ufares n 200 n yimelyunen n tekfiwin i useggas », ɣef wakken ay d-yerna, am wakken ay d-yebder dakken « tagrawt n Saidal d nettat ay d anfaras afriqi ayiwnan umi tettuneft turagt n ufares n Coronavac ».

« Wa maci d asafar awsiyan. D taṛmist tacinwat n Sinovac ay yefkan isem-nnes i tegrawt n Saidal akken ad t-tesseqdec. Zzayer teqqel d yiwet seg tmura tinfarasin n tgezzayt mgal unfafad bu tedri. D tikkelt tamezwarut aydeg ara d-yili waya imi aseggas kan aya seg wasmi ay tella tgezzayt-a », ɣef wakken ay d-ixebber.

 

Last modified on Asamas, 03 Tubeṛ 2021 10:56
Zzayer tessefray asiǧew n tgezzayt n « CoronaVac » ɣer tmura tifriqiyin
  Yeffeɣ-d ass n : Asinas, 28 Ctembeṛ 2021 10:19     Taggayt : TADAMSA     Ɣran-t : 2 n tikkal   Bḍu