Menu principal

Menu principal

Asejrem n usmurer s watigen n yifarisen n uzadur

Yeffeɣ-d ass n : Asamas, 26 Ctembeṛ 2021 11:15   Ɣran-t : 6 n tikkal
Asejrem n usmurer s watigen n yifarisen n uzadur

ZZAYER TAMANEƔT – Yumeṛ uselway n tegduda, Abdelmadjid Tebboune, ass n usiḍyas deg Zzayer Tamaneɣt, s usmutteg n yiḍrisen n usaḍuf ara yesjermen asmurer n watigen n yifarisen n uzadur, am wakken ay d-ixebber dakken, seg-a ɣef sin n wayyuren, ad yebdu ad yettwasnas usaḍuf n tukci n tekfi n trebbawt i yinerbiyen deg ukatar n usaḍuf n tedrimt n 2022.

Deg umyager gar unabaḍ d yiwaliyen, yenna-d uselway Tebboune dakken asmurer s watigen n yifarisen n uzadur ttgen-t « yijenṭiḍen d yimennekcamen » ay yettarmen ad sfeclen awanak s useɣnew n lexṣaṣ, am wakken ay d-yerna dakken awanak yewwi-d addud d « aquran » deg temsalt-a yernu yegguccel « ad yesnes adabu-nnes ay d-yugem seg uɣref ».

Seg yidis niḍen, yenna-d uselway n tegduda dakken asaḍuf n tukci n tekfi n trebbawt ad yebdu ad yettwasnas deg ukatar n usaḍuf n tedrimt n 2022 i uḍman n ugemmir i yinerbiyen ilemẓiyen.

Ixebber-d daɣ dakken « ad ilin yiḍrisen imaynuten n usaḍuf i usebɣes n usefti d urẓam n yihriyen n teṛmisin ɣef leḥsab n yiketturen », am wakken ay d-yerna dakken uddun amakki n yismawen n yisenfaren n usnegmu deg ukatar n usefti anagdud d ayen ay d-ikecfen dakken « llan aṭas n yisenfaren yuglen niɣ werɛad ur ten-id-caren ara », am wakken ay d-iger tiɣri i uferru n ukaram-a uqbel tagara n useggas d uzraw n yisenfaren-a yiwen, yiwen.

Iger-d daɣ tiɣri i ubeḍḍu adeblan d amaynu i useɣnew n twilayin tinesmigalin d timaynutin deg Yignan Unnigen d ugafa n tmurt.

 

Last modified on Aynas, 27 Ctembeṛ 2021 11:02
Asejrem n usmurer s watigen n yifarisen n uzadur
  Yeffeɣ-d ass n : Asamas, 26 Ctembeṛ 2021 11:15     Taggayt : TADAMSA     Ɣran-t : 6 n tikkal   Bḍu