Menu principal

Menu principal

Tamguri: Aciri n teẓrigt tis 10 n Warraz Aɣelnaw n Teṛmist Tasfarant Tamecṭuḥt d Tlemmast

Yeffeɣ-d ass n : Aynas, 20 Ctembeṛ 2021 12:23   Ɣran-t : 0 n tikkal
Tamguri: Aciri n teẓrigt tis 10 n Warraz Aɣelnaw n Teṛmist Tasfarant Tamecṭuḥt d Tlemmast

ZZAYER TAMANEƔT – Ixebber-d uɣlif n temguri, ass n usamas, dakken icar-d taẓrigt tis 10 n Warraz Aɣelnaw n Teṛmist Tasfarant Tamecṭuḥt d Tlemmast i useggas n 2021 yernu iswi-nnes d adhal n usfar d useqdec n unadi d usnegmu deg teṛmisin timecṭuḥin d tlemmasin i uselhu n tinnmezgit.

Amenḍar n usersi n yikaramen n timmazwert i teṛmisin yeɣsen ad derwent ad d-yili gar 19 Ctembeṛ d 28 Tubeṛ 2021, ɣef wakken ay d-yenna uɣlif deg usebter-nnes n Facebook.

S umsazwar-a, ay yettwassuddsen s usentel n « Asfar d abrid n unegmu unzig », agzum n temguri yeɣs ad yedhel asfar d useqdec n unadi d usnegmu deg teṛmisin timecṭuḥin d tlemmasin i uselhu n tinnmezgit-nsent, ɣef wakken ay d-iwekked uɣlif.

Tiṛmisin timecṭuḥin d tlemmasin yettmahalen deg temguri d yimeẓla yeqqnen ɣer tneggarut-a yernu gant-d isfaren n yifarisen, n ukala n ufares, asuddes niɣ asɣenzi ad zemrent ad awint arrazen.

Amsazwar-a d win yerzan kraḍ n wazunen n teṛmisin timecṭuḥin d tlemmasin ay izemren ad awint arrazen idrimanen « yelhan ». Sin n warrazen ad ttunefken i teṛmisin yesɛan ugar n kraḍ n yiseggasen seg wasmi ay llant yernu ttmahalent deg unegmu adamsan unzig niɣ deg ufurk azegzaw n tdamsa, ma d arraz wis kraḍ ad yettunefk i teṛmisin timecṭuḥin d tlemmasin timaynutin ay iderrwen deg unegmu adamsan unzig.

 

Last modified on Asamas, 26 Ctembeṛ 2021 13:27
Tamguri: Aciri n teẓrigt tis 10 n Warraz Aɣelnaw n Teṛmist Tasfarant Tamecṭuḥt d Tlemmast
  Yeffeɣ-d ass n : Aynas, 20 Ctembeṛ 2021 12:23     Taggayt : TADAMSA     Ɣran-t : 0 n tikkal   Bḍu