Menu principal

Menu principal

Zzayer temmuqqen akken ad talel Muriṭanya deg uduqqes-nnes adamsan

Yeffeɣ-d ass n : Akwas, 29 Yulyu 2021 09:26   Ɣran-t : 1 n tikkal
Zzayer temmuqqen akken ad talel Muriṭanya deg uduqqes-nnes adamsan

ZZAYER TAMANEƔT – Iwekked-d uselway-anemhal amatu n Tegrawt n Sonelgaz, Chaher Boulakhras, ass n usinas deg Nwakcuṭ (Muriṭanya), ɣef umuqqen n Zzayer, s Tegrawt n Sonelgaz, akken ad tedhel Tagduda Tislamant n Muriṭanya, deg uduqqes-nnes adamsan yernu ad d-yili waya s « usudded-nnes amellil » deg tdamsa.

Deg wass wis sin n terzi-nnes ɣef Nwakcuṭ, yesselwi Mass Boulakhras yiwet n temlilit n uswir unnig d umtil-nnes n teṛmist tamuriṭanit n tetrist Somelec d mennaw n yikataren igejdanen n snat n tegrawin tiẓewranin niḍen, ɣef wakken ay d-yenna, ass n ukras, yiwen n ulɣu n Tegrawt n Sonelgaz.

Deg tinawt-nnes deg temlilit-nni, ixebber-d Mass Boulakhras awjad n Tegrawt n Sonelgaz, s yisem-nnes d tameggit yemmuzzgen deg teẓwert yernu tesɛa tarmit, akken ad d-tebdu anmireg asindisan s umenzay n urbiḥ-urbiḥ d yidis amuriṭani, am wakken ay d-yerna dakken tagrawt-a tessaram « akken Zzayer ad tedrew s tmellilt deg uduqqes adamsan n Muriṭanya » s usudded-nnes amellil deg tdamsa taɣelnawt akken ad tesɛu adeg n « umalway deg Tefriqt ».

Iwekked-d daɣ Mass Boulakhras ɣef temlilt n Sonelgaz s yisem-nnes d tamazzagt deg teẓwert yernu d  tin ay izemren ad tmahel deg uswir agraɣlan yernu ad d-teg infusen d ixataren deg Tefriqt.

Yerna-d dakken Zzayer, s teṛmisin-nnes tiferrasin deg tɣult n teẓwert, tettwekkid-d dakken teɣs ad tecrek tarmit d tissudert-nnes d waytmaten-nnes n Lmeɣreb, ladɣa Muriṭanya, am wakken ay d-yerna dakken tewjed akken ad teg « ablag ara d-yawin abaɣur » d yidis amuriṭani, d win ara yersen ɣef tgadda n tlemmiẓin, amsenfal n tenfiwin d usekki n tissugriwin, isaduren d tesnatwilin.

 

Last modified on Asamas, 01 Ɣuct 2021 12:20
Zzayer temmuqqen akken ad talel Muriṭanya deg uduqqes-nnes adamsan
  Yeffeɣ-d ass n : Akwas, 29 Yulyu 2021 09:26     Taggayt : TADAMSA     Ɣran-t : 1 n tikkal   Bḍu