Menu principal

Menu principal

Asuddis urrigan n Twat: Ad ttwaddmen wakaten i ufares n 12 n yimelyunen n yimitren igasasen

Yeffeɣ-d ass n : Aynas, 19 Yulyu 2021 09:33   Ɣran-t : 0 n tikkal
Asuddis urrigan n Twat: Ad ttwaddmen wakaten i ufares n 12 n yimelyunen n yimitren igasasen

ZZAYER TAMANEƔT – Ad yaweḍ ukettur n ufares n usuddis urrigan n Twat, deg twilayt n Udrar, ɣer 12 n yimelyunen n yimitren igasasen deg Ctembeṛ, yernu ad d-yili waya s wakaten ay ssefran ad ttwaddmen seg-a ar imir-nni, ɣef wakken ay d-yenna, ass n usamas, yiwen n ulɣu n tegrawt n Sonatrach.

Deg yiwen n usnuged deg usebter-nnes unṣib deg Facebook, tenna-d tegrawt-a dakken aselway-anemhal amatu, Toufik Hakkar, iga, ass n usamas, tirzi n uswaḍ ɣef tyunin n ufares n unẓul-utrim ɣer yidis n yiwet n tmagla n yikataren imingen n teṛmist-a.

Mass Hakkar yebda tirzi-nnes s usuddis urrigan n « Twat » anda ay yessefled i uneskin n uktazel ay d-yessemned unemhal n usuddis, Slimane Benmaazou, ɣef yirmuden n tneɣraft d wakaten yettwaddmen i wawwaḍ ɣer ukettur n 12 n yimelyunen n yimitren igasasen deg wass seg-a ɣer Ctembeṛ, ɣef wakken ay d-yenna ulɣu-a.

Mass Benmaazou yerza, sakkin, ɣef usuddis urrigan n « Ugafa n Reggan » anda ay yessefled i uneskin ay d-yessemned unemhal-nnes Mohamed Mokhtari ɣef urmud n ufares deg n 8 n yimelyunen n yimitren igasasen deg wass deg usuddis-a d wahil n usefti akken ad yettwaḥrez ukettur-a.

Tirzi-a d tin daɣ aydeg sfeqden tagnit n yimahalen d yikataren deg tneɣrafin-a, ladɣa imahalen izedɣen deg temnaḍt-a, akken ad sfelden i yiɣeblan-nsen inmettiyen-imsaduren.

 

Last modified on Akwas, 22 Yulyu 2021 11:53
Asuddis urrigan n Twat: Ad ttwaddmen wakaten i ufares n 12 n yimelyunen n yimitren igasasen
  Yeffeɣ-d ass n : Aynas, 19 Yulyu 2021 09:33     Taggayt : TADAMSA     Ɣran-t : 0 n tikkal   Bḍu