Menu principal

Menu principal

Ad yebdu usnas n uɣawas amaynu n umesten n tẓegwa seg yimalas ay d-itteddun

Yeffeɣ-d ass n : Asimwas, 16 Yulyu 2021 10:55   Ɣran-t : 0 n tikkal
Ad yebdu usnas n uɣawas amaynu n umesten n tẓegwa seg yimalas ay d-itteddun

ZZAYER TAMANEƔT – Ixebber-d uneɣlaf n tkerrazt, Abdelhamid Hemdani, ass n ukwas deg Zzayer Tamaneɣt, dakken ad bdun asnas n uɣawas amaynu n umennuɣ mgal tmurɣiyin n tẓegwa seg yimalas ay d-itteddun d asawen, yernu wa d aɣawas yersen ɣef tigawt tamadust.

Deg yiwet n temlilit ay d-yellan ɣef tesnuddest taɣelnawt i umennuɣ mgal tmurɣiyin, iwekked-d Mass Hemdani dakken ad ttwaddmen kra n wakaten utriben deg unrar i umesten n tbaɣurt taneẓgit seg wass n usamas d asawen s umyalel d wakk idisan ay terza temsalt, ula d timetti taɣarimt d yiɣermanen.

Iwekked-d uneɣlaf, seg yidis niḍen, dakken imi timurɣiyin n tẓegwa llant-d s tin n tejrimt, yessefk ad d-begsent tegrawin timnaḍanin n yimeẓla n tẓegwa, tiddukliwin n yinegmaren d yimezdaɣen, ladɣa wid izedɣen tama n tẓegwa, ɣer yidis n Yiskutiyen Inselmen Izzayriyen d tiddukliwin akken ad ɛassen tiẓegwa.

Akaten-a d wid ara yessalin aswir n teɣḍeft d uḥezzeb mgal tmurɣiyin n tẓegwa yernu ad reẓmen abrid i uɛeyyen adeɣyan fell-asent d uɛqal n wid ay yesnedḥen timest.

Ad d-yili daɣ, ɣef leḥsab n uneɣlaf, ucegger n unagraw n tgermant ladɣa isuga n usefqed d usgalef.

 

 

Ad yebdu usnas n uɣawas amaynu n umesten n tẓegwa seg yimalas ay d-itteddun
  Yeffeɣ-d ass n : Asimwas, 16 Yulyu 2021 10:55     Taggayt : TADAMSA     Ɣran-t : 0 n tikkal   Bḍu