Menu principal

Menu principal

Tiẓwar d-yetteqqalen: Lezzayer d tamurt tafriqit tis kraḍt deg ukettur yersen deg 2020

Yeffeɣ-d ass n : Akwas, 17 Yunyu 2021 12:05   Ɣran-t : 1 n tikkal
Tiẓwar d-yetteqqalen: Lezzayer d tamurt tafriqit tis kraḍt deg ukettur yersen deg 2020

LEZZAYER TAMANEƔT – Lezzayer teṭṭef adeg wis 3 deg Tefriqt deg wayen yerzan akettur-nnes yersen n teẓwar d-yetteqqalen ay d-yettakfen 0,5 n yijigawaṭen deg tgara n 2020, deffir Tefriqt n Unẓul d Maṣer, ɣef wakken ay d-yenna umlu anmaḍal ɣef tegnit n teẓwar d-yetteqqalen n tsentayt n REN21.

Aseggas yezrin, timura tifriqiyin tigejdanin deg wayen yerzan akettur n teẓwar d-yetteqqalen nitenti d Tafriqt n Unẓul s 3,8 n yijigawaṭen, Maṣer s wazal n 2 n yijigawaṭen d Lezzayer s 0,5 n yijigawaṭen, ɣef wakken ay d-ixebber umlu n REN21 aydeg derwen wussnanen, inabaḍen, tuddsiwin tirnabaḍin d yimguranen.

Mennaw n tmura n Tefriqt ay yebdan ttamdent iketturen-nsent imaynuten deg 2020, ɣef wakken ay d-tenna teftart-a.

« Taɣsert tameqqrant akk deg Tefriqt n Utaram (s ukettur n 50 n yimigawaṭen) d tin ay reẓmen deg Mali anda tatrist tamanant tettgensis-d azal n uzgen seg ukettur yersen deg tmurt-a maca afares-nnes simal yetteqqal ur yerkid ara ɣef lǧal n unfal deg uswir n waman », ɣef wakken ay d-yenna.

Llan daɣ yisenfaren d ilemmasen d yimeqqranen ay yebdan ttwamaden deg tmura tifriqiyin niḍen am Maṣer, Ityupya, Ghana, Ṣumalya d Tefriqt n Unẓul, ɣef wakken ay d-yerna umlu n REN21 ay d-yernan dakken, deg Maṣer, « tukksa tafarant ay yekkes unabaḍ asekbel n watig n ufatus n tetrist d ayen ay yesbeɣsen medden ad sseqdacen tatrist tafukant ay yettwasdegren i yixxamen, tiḥuna d tneɣrafin ».

 

 

Tiẓwar d-yetteqqalen: Lezzayer d tamurt tafriqit tis kraḍt deg ukettur yersen deg 2020
  Yeffeɣ-d ass n : Akwas, 17 Yunyu 2021 12:05     Taggayt : TADAMSA     Ɣran-t : 1 n tikkal   Bḍu