Menu principal

Menu principal

Tiḥarazin n waman n tmurt « ad d-qament arma d amwan ay d-yetteddun »

Yeffeɣ-d ass n : Asamas, 09 Mayu 2021 11:07   Ɣran-t : 1 n tikkal
Tiḥarazin n waman n tmurt « ad d-qament arma d amwan ay d-yetteddun »

LEMDEYYA – Tiḥarazin n waman n tmurt « ad d-qament arma d amwan ay d-yetteddun », ɣef wakken ay d-iwekked, ass n ukwas deg Bni Sliman, deg ugmuḍ n Lemdeyya, uneɣlaf n teɣbula n waman, Mustapha Kamel Mihoubi.

« Taswiɛt-a, nesɛa tiḥarazin n waman ara aɣ-iḍemnen asigeẓ d alugan n waman n tissit arma d amwan ay d-yetteddun, maca yessefk ad ncuḥḥ i waman yernu ad nessefrek akken iwata tiḥarazin-a akken ur d-yettili ara ccwal d ameqqran », ɣef wakken ay d-yerna Mass Mihoubi deg yijifeṛ n terzi-nnes ɣef wuggug n Bni Sliman.

I lmend n usmeɣẓen n tḥarazin n waman n tmurt, yebder-d uneɣlaf ifranen ay izemren ad d-ilin deg usedger n waman am wammad n waman udukalen, imcickanen d yijummanen ay izemren ad allen deg usenqes n lmaḍerra ay d-yellan ɣef lǧal n lexṣaṣ n unẓar, ɣef wakken ay d-iwekked.

« Nesɛa kraḍt n temlellayin yernu yessefk ad tent-named yal tikkelt aydeg ara aɣ-d-tṣaḥ tegnit akken ad nekk i wugur n lexṣaṣ n teɣbula n waman », ɣef wakken ay d-yenna Mass Mihoubi i Tnegga n Yisalan n Lezzayer, am wakken ay d-iwekked dakken tamlellayt tamezwarut d timeṣkiwt n yiḥebbasen d tṣekkiwin timeswiyin i tuṭṭfa n waman n unẓar d wid n wasfiyen akken ad ten-ssekkin ɣer wuggugen. 

Aneɣlaf yebder-d, ɣef umedya, yiwet n termit ay d-yellan tagara-a deg wasif n Sibaw (Tizi Uzzu) aydeg gan anaw-a n usekki akken ur tteddun ara waman n unẓar ɣer yilel, yernu d aya ay yeǧǧan timerniwt n 60.000 n yimitren igasasen n waman deg wass i wuggug n Teqṣebt. Yerna-d uneɣlaf dakken d ta ay d tifrat ay yettḍafar ugzum-nnes akken ad d-yemmezg d unfal anezwan d lexṣaṣ n unẓar.

 

Last modified on Aynas, 10 Mayu 2021 10:04
Tiḥarazin n waman n tmurt « ad d-qament arma d amwan ay d-yetteddun »
  Yeffeɣ-d ass n : Asamas, 09 Mayu 2021 11:07     Taggayt : TADAMSA     Ɣran-t : 1 n tikkal   Bḍu