Menu principal

Menu principal

Tamerrit: Asmal n usileɣ ussnan i usiweḍ ɣer tissudert

Yeffeɣ-d ass n : Asamas, 18 Yebrir 2021 08:36   Ɣran-t : 75 n tikkal
Tamerrit: Asmal n usileɣ ussnan i usiweḍ ɣer tissudert

LEZZAYER TAMANEƔT – Wekkden-d yimedrawen deg yiwen n umedru ɣef « tussniwin i ubaɣur n tmerrit d usikel », ass n usiḍyas deg Lezzayer, ɣef tḍullit n uselhu n uswir n usileɣ s usejhed n unadi ussnan i usiweḍ ɣer tissudert deg urmud n tmerrit d usikel akken ad yeqqel urmud-a d aɣudid n unegmu unzig.

Imedrawen deg umedru-a, ay ssuddsen Uɣerbaz Aɣelnaw Imineg n Tmerrit d Tiddukkla d Tiddukla Taɣelnawt n Yimeggiyen n Usikel, wekkden-d ɣef tixxutert n umsenfal n termitin gar akk yimazzagen d yimazzayen deg tɣult n tmerrit d yisiklen i usali n uswir n usileɣ d uksab n tmussniwin.

Iwekked-d unemhal amatu n tmerrit ɣer uɣlif n tmerrit, Moussa Ben Tamer, ɣef tixxutert n umyager-a i « umsenfal n tektiwin d termitin ɣef tixxutert n usnummed n usileɣ ussnan deg tɣult n tmerrit d usikel i usiweḍ ɣer tissudert deg wayen yerzan asekker n yimsaɣen d usezgi n yimeẓla ɣer tegna tigraɣlanin ».

Yesmekti-d daɣ, deg temsalt-a, s yizen n uselway n tegduda Abdelmadjid Tebboune, i lmend n Wass n Tmussni (16 Yebrir) ay d-iweṣṣan ɣef usmal n tmussni deg unrar n usileɣ i lmend n tmeṣkiwt n Lezzayer tamaynut d uselhu n tdamsa yexḍan timerɣa s tukci n wazal i yigzumen imedduranen am tmerrit.

Seg yidis-nnes, iwekked-d unemhal amatu n Uɣerbaz Aɣelnaw Imineg n Tmerrit, Abdelkayoum Ladraa, ɣef « wussisen ay zzgan ttgen-ten yimezrawen n uɣerbaz, ladɣa igurdisen n Tiddukla Taɣelnawt n Yimeggiyen n Usikel, i lmend n usejhed n tmussni d tussna deg unrar n tmerrit d usikel i usiweḍ ɣer tissudert deg wayen yerzan imeẓla d wassaɣen d yimsaɣen » akken ad teqqel tmurt d taɣerwaḍt tamerrant ifazen.

 

Last modified on Aynas, 19 Yebrir 2021 10:04
Tamerrit: Asmal n usileɣ ussnan i usiweḍ ɣer tissudert
  Yeffeɣ-d ass n : Asamas, 18 Yebrir 2021 08:36     Taggayt : TADAMSA     Ɣran-t : 75 n tikkal   Bḍu