Menu principal

Menu principal

Tukkit taẓewrant: Chitour yessegza-d tasnuddest n unabaḍ

Yeffeɣ-d ass n : Asinas, 13 Yebrir 2021 12:52   Ɣran-t : 171 n tikkal
Tukkit taẓewrant: Chitour yessegza-d tasnuddest n unabaḍ

LEZZAYER TAMANEƔT – Yessegza-d uneɣlaf n tukkit taẓewrant, Chems Eddine Chitour, ass n uynas deg Lezzayer, tasnuddest n unabaḍ i useḍru n tukkit taẓewrant d wahil aɣelnaw n usnegmu n teẓwar d-yetteqqalen d tmellilt taẓewrant seg-a ɣer 2030.

Deg tinawt-nnes i lmend n urẓam n usarag ɣef tukkit taẓewrant tunzigt d tesfarant ay yessuddes ugezdu n umyalel n Wahil n Yiɣlanen Yeddukklen i Usnegmu deg Lezzayer, yenna-d uneɣlaf dakken asarag-a yella-d d tagnit i « tmussni n tegnit deg wayen ay nessen ad t-neg d wayen ay yessefk ad t-neg  akken ad nennaɣ » mgal unfal anezwan d yisemda-nnes deg Lezzayer.  

Yerna-d Mass Chitour dakken asarag-a d win aydeg ara ktazlen ibriden d wammaken ayyes ara tfak Lezzayer asuder ay tessudur taẓwert s waṭas yernu ad d-yili waya s tnemsal ara yessiwḍen ɣer yisumren ara yettwasensen deg unrar-a.

Iwekked-d uneɣlaf, seg yidis niḍen, dakken ussan-a ad d-ilin d tagnit i usiwel ɣef tzitliwin n Lezzayer i lmend n umennuɣ mgal unfal anezwan.

Seg yidis-nnes, tenna-d tgensast tamezdaɣt n Wahil n Yiɣlanen Yeddukklen i Unegmu deg Lezzayer, Blerta Aliko, dakken asarag-a d abeddu n unmireg « yettbecciren s lxir » gar uɣlif d wahil-a aɣeldukklan i usnegmu d usmemmi n tmudmin timsigrin ur yettkalayen ara ɣef teẓwar timsukfilin.

 

Last modified on Asinas, 13 Yebrir 2021 12:54
Tukkit taẓewrant: Chitour yessegza-d tasnuddest n unabaḍ
  Yeffeɣ-d ass n : Asinas, 13 Yebrir 2021 12:52     Taggayt : TADAMSA     Ɣran-t : 171 n tikkal   Bḍu