Menu principal

Menu principal

Amennuɣ mgal yinalkamen n waḍḍan n Covid-19: imkerrazen izzayriyen qublen tagnit akken iwata

Yeffeɣ-d ass n : Aynas, 12 Yebrir 2021 14:12   Ɣran-t : 180 n tikkal
Amennuɣ mgal yinalkamen n waḍḍan n Covid-19: imkerrazen izzayriyen qublen tagnit akken iwata

LEZZAYER TAMANEƔT – Iwekked-d uneɣlaf amenzu, Abdelaziz Djerad, ass n uynas deg Lezzayer, ɣef temlilt ay uraren yimkerrazen izzayriyen deg umennuɣ mgal yinalkamen idamsanen n tkaɣreft n Covid-19, am wakken ay d-yerna dakken deg tallit-nni, ur xuṣṣen ara akk yifarisen n tuččit izaduranen.

Deg wawal-nnes deg tezwara n Unmager ɣef Usefti deg Tkerrazt d Temguri n Tuččit ay yettwassuddsen deg Wammas Agraɣlan n Yisaragen deg Lezzayer, yerra Mass Djerad tajmilt i yimkerrazen.

« Nwala akk amek ay derwen yimkerrazen acqirrew n umennuɣ mgal tkaɣreft s uḍman n yifarisen ikerrazanen umasanen. Imkerrazen-nneɣ qublen tagnit s usigeẓ n wulzuzen iɣelnawen s tnectiwin ara d-iqamen », ɣef wakken ay d-yenna uneɣlaf amenzu ay yesselwin arẓam n unmager-a.

« Ula ma llant-d tegnatin d tisurfanin, maca nessaweḍ, s udraw n wakk imsemhal deg tɣult-a, ad d-nesseḍru mennaw n yiksaben », ɣef wakken ay d-yerna.

Yesmekti-d i lmend n waya dakken agzum n tkerrazt yedrew s wugar 12% deg ufaris anusem agensi s ufares n 25 n yimelyaṛen n yidulaṛen deg 2020, deg wakud aydeg yedrew-d s 23 n yimelyaṛen n yidinaṛen deg 2019, am wakken ay d-yerna dakken takerrazt tessemras srid 2,5 n yimelyunen n yimdanen.

 

Last modified on Asinas, 13 Yebrir 2021 11:01
Amennuɣ mgal yinalkamen n waḍḍan n Covid-19: imkerrazen izzayriyen qublen tagnit akken iwata
  Yeffeɣ-d ass n : Aynas, 12 Yebrir 2021 14:12     Taggayt : TADAMSA     Ɣran-t : 180 n tikkal   Bḍu