Print this page

Akaram n yimseddayen ad yefru deg usḍisyur amezwaru n useggas-a

Yeffeɣ-d ass n : Aynas, 05 Yebrir 2021 10:44   Ɣran-t : 0 n tikkal
  • Bḍu
Akaram n yimseddayen ad yefru deg usḍisyur amezwaru n useggas-a

LEZZAYER TAMANEƔT – Iwekked-d uselway n tegduda, Mass Abdelmadjid Tebboune, ass n usamas, dakken akaram n yimseddayen ad yefru deg usḍisyur-a, am wakken ay d-yerna dakken Lezzayer ad d-tebdu tallit tamaynut n « umday n tidet » n tkeṛṛusin.

Deg umuyager-nnes awalan d kra n yimidyaten iɣelnawen, yenna-d uselway Tebboune dakken tarmit yezrin deg umday n tkeṛṛusinn « ur d-tefki ara akk kra n ugmuḍ yernu tesqam-d aṭas n yidrimen », am wakken ay d-yerna dakken Lezzayer « ad tekk ɣer termit niḍen, d tin aydeg ara teg amday n tidet n tkeṛṛusin ».

Yesmekti-d uselway n tegduda dakken « atig n umsedday yettwamedyen deg tmurt yekka i watig n umsedday d-yettwaǧwen », am wakken ay d-yerna dakken ssebba n waya d imaǧawen « ur yezriken ara inmeqqan-nsen n uktamur n unummed ».

« Mi ara d-nebder amday n tkeṛṛusin, a win yufan ad d-nesseɣnew igiman n yinsaten n umahil. D acu kan, nwala amek yiwen kan n yimsefti yessuder 3 n yimelyaṛe n yidulaṛen akken kan ad d-yesseɣnew 400 n yinsaten n umahil », ɣef wakken ay d-yerna uselway Tebboune.

Ula d taneɣraft n umday n tmeṛka tafṛansit n Renault « armi d imir-a ay tebda tesnummud kra n tsawiyin d-yettwaɣerfen deg tmurt », ɣef wakken ay d-yerna deg temsalt-a.

« Ma yella ur irebbeḥ ara umday n tkeṛṛusin seg-a ɣef 3 neɣ 4 n yiseggasen ɣef leḥsab n uzmam n tewtilin aydeg yessefk ad d-yili uktamur n unummed n 40% ma drus, aseɣnew n yinsaten n umahil d uɣraf n tsawiyin tizzayriyin, ur d-yettili ara umday n tkeṛṛusin », ɣef wakken ay d-ikemmel uselway n tegduda.

 

Last modified on Asinas, 06 Yebrir 2021 10:04
Akaram n yimseddayen ad yefru deg usḍisyur amezwaru n useggas-a
  Yeffeɣ-d ass n : Aynas, 05 Yebrir 2021 10:44     Taggayt : TADAMSA     Ɣran-t : 0 n tikkal   Bḍu