Print this page

Lezzayer ad tessiweḍ ad tessemnekni tisistelt-nnes n uxelleṣ deg 2021 neɣ 2022

Yeffeɣ-d ass n : Aynas, 05 Yebrir 2021 09:52   Ɣran-t : 0 n tikkal
  • Bḍu
Lezzayer ad tessiweḍ ad tessemnekni tisistelt-nnes n uxelleṣ deg 2021 neɣ 2022

LEZZAYER TAMANEƔT – Iwekked-d uselway n tegduda, Mass Abdelmadjid Tebboune, ass n usamas tameddit, dakken Lezzayer ad tessiweḍ aseggas-a neɣ, ma aṭas, aseggas ay d-yetteddun, akken ad tessemnekni tisistelt-nnes n uxelleṣ s tsertit-nnes n ubaḍi n waǧawen d usebɣes n yisiǧwen yexḍan i tmerɣa.

Deg umyager-nnes awalan d yimidyaten iɣelnawen, yenna-d uselway Tebboune dakken Lezzayer tessaweḍ, deg 2020, ad tessenqes aǧawen s 10 n yimelyaṛen n yidulaṛen ɣef leḥsab n 2019, ula ma tella tkaɣreft n unfafad bu uqacuc, yernu yella-d waya s ufares, abaḍi n usfuteṛ yekkan i tlisa d usefqed amaglay ugar n kra n yimeẓla.

« Nessaweḍ ɣer waya akk war ma tella-d tissert neɣ lexṣaṣ », ɣef wakken ay d-yerna.

Ixebber-d Mass Tebboune dakken aseggas-a, amahil yessaweḍ ad d-yessiger gar 800 n yimelyunen d umelyaṛ n yidulaṛen i tmurt deg wayen yerzan aǧaw n yisafaren, am wakken ay d-tessager tmurt 500  yimelyunen n yidulaṛen n waǧaw n yirden.

Deg wayen yerzan asdusu n yisiǧwen yexḍan timerɣa, yules iwekked-d Mass Tebboune tuṭṭfa n uwanak deg yiswi-a, yernu ixebber-d dakken ssahlen asiǧew n 400 n yimelyunen n yidulaṛen n yisafaren deg 2021.

« Mer ad nessiweḍ ɣer 4 n yimelyaṛen n yidulaṛen yexḍan timerɣa, ɣas ad nefṛeḥ acku ɣer-neɣ 25 n yiseggasen aya seg wasmi isiǧwen-nneɣ yexḍan timerɣa ur ttefflen ara i 2 n yimelyaṛen n yidulaṛen », ɣef wakken ay d-yenna Mass Tebboune.

 

Lezzayer ad tessiweḍ ad tessemnekni tisistelt-nnes n uxelleṣ deg 2021 neɣ 2022
  Yeffeɣ-d ass n : Aynas, 05 Yebrir 2021 09:52     Taggayt : TADAMSA     Ɣran-t : 0 n tikkal   Bḍu