Menu principal

Menu principal

Ahil n AADL 2: Ttunefkent lewṣayat i usefqed n yikaramen n yimsutrer ay werɛad ur xellṣen amur 1u

Yeffeɣ-d ass n : Asinas, 23 Meɣres 2021 14:15   Ɣran-t : 1 n tikkal
Ahil n AADL 2: Ttunefkent lewṣayat i usefqed n yikaramen n yimsutrer ay werɛad ur xellṣen amur 1u

LEZZAYER TAMANEƔT – Iweṣṣa uneɣlaf n tnezduɣt, Tarek Belaribi, ass n uynas deg Lezzayer Tamaneɣt, idisan ay terza temsalt i usefqed n yikaramen n yimsutren n tnezduɣt n AADL 2 ay werɛad ur xellṣen ara aḥric-nsen amezwaru, ɣef wakken ay d-yenna yiwen n ulɣu n uɣlif.

Mi yesselwi yiwet n temlilit d yikataren n ugezdu-nnes, iweṣṣa uneɣlaf dakken yessefk ad ssuggten ussisen i usefqed n yikaramen n yimsutren n wahil n AADL 2 ay werɛad ur xellṣen ara amur amezwaru n tnezduɣt-nsen, ɣef wakken ay d-yekcef ulɣu-a.

Mennaw n yimeggiyen inezzanen n Tnegga n Uselhu d Usnegmu n Tnezduɣt ay yettmahalen, s usemyuddes d tmehla tamatut n ufaylu n tnezduɣt n uɣlif, akken ad sfeqden ikaramen n yimsutren ay werɛad ur xellṣen ara amur amezwaru n tnezduɣt-nsen, ɣef wakken ay d-ixebber uɣlif.

Seg yidis niḍen, yesselwi uneɣlaf timlilit tatwilant ɣef tmeṣkiwt n usfaylu amdinan n Wad Ɣir (Bgayet) i uheyyi n terzi-nnes ay d-yetteddun ɣef twilayt-a, ɣef wakken ay d-yenna ulɣu-a ay d-yernan dakken « amyager-a iswi-nnes d uddun d tukksa n wuguren itwilanen yellan deg unrar s usemyuddes d yigzumen niḍen ».

Mennaw n tenqiḍin ayɣef d-yella wawal, gar-asent tiɣermin n waman ay ṣken deg usfaylu amdinan n Wad Ɣir, aɣram n waman, tuqqna ɣer wurrig d tetrist d yimahilen n useqɛed uffiɣ.

Dima deg temsalt-a, yumeṛ Mass Belaribi imasayen n ugzum-nnes akken ad sɛejlen anya n umahil. I usmekti, asfaylu amdinan n Wad Ɣir yeṭṭef tajumma n 250 n yiqeṭṭaren yernu llant deg-s 16.000 n tnezduɣin.

 

Last modified on Akras, 24 Meɣres 2021 13:14
Ahil n AADL 2: Ttunefkent lewṣayat i usefqed n yikaramen n yimsutrer ay werɛad ur xellṣen amur 1u
  Yeffeɣ-d ass n : Asinas, 23 Meɣres 2021 14:15     Taggayt : TADAMSA     Ɣran-t : 1 n tikkal   Bḍu