Menu principal

Menu principal

Amtawa n Tmura Timsiǧwin n Upitṛul d Yimsisan-nnes: Yettwazrek akken igerrez deg Yennayer

Yeffeɣ-d ass n : Lexmis, 04 Meɣres 2021 14:58   Ɣran-t : 74 n tikkal
Amtawa n Tmura Timsiǧwin n Upitṛul d Yimsisan-nnes: Yettwazrek akken igerrez deg Yennayer

LEZZAYER TAMANEƔT – Tulut tamakkit i umtawa n ulesses n ufares apitṛulan ay d-yellan gar Tuddsa n Tmura Timsiǧwin n Upitṛul d Yimsisan-nnes, d tin ay yewwḍen, deg Yennayer n 2021, ɣer uktamur « umnig mliḥ » ay yekkan i 100%, ɣef wakken ay d-yenna, ass n ukras deg Lezzayer Tamaneɣt, uneɣlaf n teẓwert, Mohamed Arkab.

« Aktamur n tulut d umnig mliḥ i tmura n Tuddsa n Tmura Timsiǧiwin n Upitṛul d tid tt-yexḍan deg wayyur n Yennayer », ɣef wakken ay d-yenna Mass Arkab deg yijifeṛ n temlilit tis 27 n tesmilt taɣlifant n uḍfar n umtawa n tegrawt-a ay d-yebdan ass n ukras s usarag n teẓrit.

Mass Arkab yenna-d dakken amlu n uktazel n tesmilt tatwilant tucrikt twekked-d dakken tuna ay d-yettwasebḍen deg ukatar n umtawa-nni ttwazerkent deg wayyur n Yennayer n 2021.

Anmeqqen-a sɣur yimaslaḍen n Tuddsa n Tmura Timsiǧwin n Upitṛul d Yimsisan-nnes, ɣef wakken ay d-yenna uneɣlaf, yessaweḍ ɣer usali n watig n tbettit n upitṛul ay yekkan, ussan-a, 63 n yidulaṛen i upitṛul n Brent, am wakken ay d-yerna dakken tiḥemliwin n ufṣad, deg umaḍal, glant-d daɣ s tusurt ɣef wulzuz apitṛulan, dɣa d aya ay d-yesduqqsen, cwiṭ, asuter n upitṛul.

Seg yidis niḍen, ixebber-d uneɣlaf n teẓwert dakken timlilit-a ad tkemmel arma d ass n ukwas yernu ad tt-id-teḍfer temlilit taɣlifant tis 14 n Tuddsa n Tmura Timsiǧwin n Upitṛul d Yimsisan-nnes aydeg ara ttwaddmen yiɣtasen yerzan afares deg ukraḍyur ay d-yetteddun.

 

Last modified on Lḥedd, 07 Meɣres 2021 14:01
Amtawa n Tmura Timsiǧwin n Upitṛul d Yimsisan-nnes: Yettwazrek akken igerrez deg Yennayer
  Yeffeɣ-d ass n : Lexmis, 04 Meɣres 2021 14:58     Taggayt : TADAMSA     Ɣran-t : 74 n tikkal   Bḍu