Menu principal

Menu principal

Tanezzut tuffiɣt: Ugar n 1200 n yimsiǧwen ay d-yettwaddnen deg 2020

Yeffeɣ-d ass n : Laṛebɛa, 03 Meɣres 2021 12:48   Ɣran-t : 70 n tikkal
Tanezzut tuffiɣt: Ugar n 1200 n yimsiǧwen ay d-yettwaddnen deg 2020

LEZZAYER TAMANEƔT – S uɣrud, uddnen-d 1219 n yimsiǧwen izzayriyen yessaǧawen ifarisen yemgerraden deg useggas n 2020, ɣef wakken ay d-yenna, ass n usinas deg Lezzayer Tamaneɣt, yiwen n umasay n uɣlif n tnezzut.

Isiǧwen yexḍan timerɣa wwḍen, deg 2020, ɣer wugar n 2,26 n yimelyaṛen n yiduklaṛen, deg wakud aydeg, deg 2019, wwḍen ɣer 2,58 n yimelyaṛen n yidulaṛen, yernu yella-d, deg waya, unqas n 312 n yimelyaṛen n yidulaṛen (12,59%), ɣef leḥsab n yiwet n tecrawt ay d-yessemned udunemhal d-yelhan s usmal n usiǧew ɣer uɣlif, Abdellatif El Houari, deg yiwen n wass n tezrawt ɣef usmal n usiǧew.

S waya, asiǧew yexḍan timerɣa yeggenses-d 9,48% seg ubleɣ amakki n yisiǧwen izzayriyen ay yewwḍen ɣer 24 n yimelyaṛen n yidulaṛen, deg wakud aydeg tessaǧew tmurt 34,8 n yimelyaṛen n yidulaṛen deg 2019. Yella-d, deg waya, unqas n 33,57% deg ubleɣ amakki n usiǧew.

Deg tgermant-nnes deg umyager-a ay yessuddes uɣlif, yessegza-d Mass El Houari dakken anqas-a deg yisǧiwen yexḍan timerɣa yella-d s usbak n usiǧew n kra n yifarisen isnuddsanen ɣef lǧal n uzraɛ n tkaɣreft n unfafad bu uqacuc amaynu seg wayyur n Meɣres d asawen.

Yerna-d umasay-a dakken d timaqqusin tinganin d tekruranin ay d ifarisen imezwura ay tessaǧew Lezzayer yernu tessenz 733 n yimelyunen n yidulaṛen seg-sen deg 2020, deg wakud aydge tessenz 728 n yimelyunen deg 2019. Tella-d, s waya, tmerniwt n 0,75% deg unrar-a.

 

Last modified on Lḥedd, 07 Meɣres 2021 14:01
Tanezzut tuffiɣt: Ugar n 1200 n yimsiǧwen ay d-yettwaddnen deg 2020
  Yeffeɣ-d ass n : Laṛebɛa, 03 Meɣres 2021 12:48     Taggayt : TADAMSA     Ɣran-t : 70 n tikkal   Bḍu