Menu principal

Menu principal

Asmad Aɣerfan n Lezzayer: Ifarisen n tedrimt tislamant deg 100 n tneggiwin deg ukraḍyur 1u n 2021

Yeffeɣ-d ass n : Letniyen, 18 Yennayer 2021 11:09   Ɣran-t : 53 n tikkal
Asmad Aɣerfan n Lezzayer: Ifarisen n tedrimt tislamant deg 100 n tneggiwin deg ukraḍyur 1u n 2021

WEHṚAN – Yenna-d uselway anemhal amatu n Usmad Aɣerfan n Lezzayer, Mohamed Dahmani, ass n usamas deg Wehṛan, dakken tabanka-a ad tesɛu ifarisen n tedrimt tislamant deg 100 n tneggiwin deg ukraḍyur amezwaru n 2021.

Deg tinawt-nnes i lmend n uẓunẓu n tnegga tamaynut n Usmad Aɣerfan n Lezzayer deg Ɛyun Ṭṭerk s tihawt n yiduba idiganen, yenna-d Mass Dahmani dakken amḍan n tneggiwin ay iḍemnen asidrem islaman yewweḍ ɣer 15, gar-asent tin ay yeẓẓunẓa netta, am wakken ay d-yerna dakken ifarisen ay d-wwint tneggiwin-a bdan sseddayen-ten sin n wayyuren aya.

« Ifarisen-a n usidrem islaman jebden-d aṭas n yiɣermanen », ɣef wakken ay d-iwekked umasay-a ay d-yernan dakken, deg tallit ur yewwiḍen ara ɣer sin n wayyuren, ugar n 200 n yimiḍanen ibankanen ay yettwareẓmen i usfaydi seg yisumar-a.

Seg yidis niḍen, yenna-d uselway-anemhal amatu n Usmad Aɣerfan n Lezzayer dakken tabanka-nnes mazal tettkemmil aselkem n uɣawas-nnes asnuddsan n usnegmu ay yebnan ɣef 4 n yigellusen igejdanen, wi d asewseɛ d usetrer n uẓeḍwu-nnes n wammad, akemmel n usnegmu abankan, akemmel n usineḍ n usumer abankan d ukemmel n usnegmu n yimeẓla ibankanen iliktṛunanen.

 

 

Asmad Aɣerfan n Lezzayer: Ifarisen n tedrimt tislamant deg 100 n tneggiwin deg ukraḍyur 1u n 2021
  Yeffeɣ-d ass n : Letniyen, 18 Yennayer 2021 11:09     Taggayt : TADAMSA     Ɣran-t : 53 n tikkal   Bḍu