Menu principal

Menu principal

Air Algerie: Asigel n usmaynu n tanawt ɣef lǧal n waḍḍan n Covid-19

Yeffeɣ-d ass n : Asinas, 08 Dujembeṛ 2020 12:40   Ɣran-t : 0 n tikkal
Air Algerie: Asigel n usmaynu n tanawt ɣef lǧal n waḍḍan n Covid-19

LEZZAYER TAMANEƔT – Yenna-d uselway-anemhal amatu n tkebbanit n Air Algerie, Bekhouche Allache, ass n uynas sdat Tesmilt n Umesni d Tliɣwalt n Ugraw Aɣerfan Aɣelnaw dakken ahil n usmaynu n tanawt yettwassagel ɣef lǧal n tkaɣreft n Covid-19.

Mass Bekhouche ixebber-d dakken tamhelt-a yeqbel-itt unabaḍ deg 2018, d acu kan, tettwassagel ɣef lǧal n tedyanin ay d-yeḍran tagara-a, ɣef wakken ay d-yenna yiwen n ulɣu n Ugraw Aɣerfan Aɣelnaw.

Deg wayen yerzan arẓam n yizirigen igraɣlanen, aselway-anemhal amatu iwekked-d dakken aya yeḥwaj tazrawt tadamsant d « talqayant » yernu yenna-d dakken izirigen ay yettwareẓmen d wid aydeg yella unmezgi d ujhid akka am yizirigen n Fṛansa d Ṭṭerk.

Deg wayen yerzan tussurt n tezɣent tadawsant ɣef tkebbanit, yenna-d Mass Bekhouche dakken Air Algerie attan deg tegnit d taweɛṛant yernu ixebber-d dakken azal n 40 n yimelyaṛen n yidinaṛen ay texṣer seg wasmi ay ttwassaglen waffugen inezzanen deg ukatar n wakaten n uḥezzeb mgal tkaɣreft n Covid-19.

Yerna-d daɣ dakken takebbanit-a tezmer ad ternu ad texṣer idrimen, seg-a ɣer sdat, mer ad tkemmel tezɣent-a ay d-yellan d unjug ameqqran deg unegmu n teṛmist-a, ɣef wakken ay d-yerna ulɣu-a.

 

Last modified on Akras, 09 Dujembeṛ 2020 08:20
Air Algerie: Asigel n usmaynu n tanawt ɣef lǧal n waḍḍan n Covid-19
  Yeffeɣ-d ass n : Asinas, 08 Dujembeṛ 2020 12:40     Taggayt : TADAMSA     Ɣran-t : 0 n tikkal   Bḍu