Menu principal

Menu principal

Tamguri tamfambulṭt: Iketturen n ufares aɣelnaw ad awḍen ɣer 450 n yimigawaṭen-taqict

Yeffeɣ-d ass n : Aynas, 30 Wamber 2020 11:23   Ɣran-t : 0 n tikkal
Tamguri tamfambulṭt: Iketturen n ufares aɣelnaw ad awḍen ɣer 450 n yimigawaṭen-taqict

LEZZAYER TAMANEƔT – Iketturen n ufares n yigalisen ifukanen imfabulṭen deg Lezzayer ur ttɛeḍḍilen ara ad awḍen ɣer 450 n yimigawaṭen-taqict deg wakud aydeg ass-a wwḍen kan ɣer 190 n yimigawaṭen-taqict, ɣef leḥsab n uṛabul aseggasan n Tesmirit n Teẓwar d-Yetteqqalen d Tmellilt Taẓewrant.

Deg uṛabul-a, tenna-d tesmirit-a dakken llant tneɣrafin n uɣraf n yigalisen ifukanen deg Lezzayer: Condor Electronics n Lbuṛj Buɛṛiṛiǧ yesɛan akettur n ufares aseggasan n 130 n yimigawaṭen-taqict ; Aures Solaire (Tabatent) s ukettur n 30 n yimigawaṭen-taqict ; taneɣraft n ENIE Electronics (Sidi Belɛebbas) s 18 n yimigawaṭen-taqict d tneɣraft n ALPV (Tlemsan) s 12 n yimigawaṭen-taqict.

D acu kan, tineɣrafin-a fursent-d kan, deg tilawt, 33,9 n yimigawaṭen-taqict (18,9 n yimigawaṭen-taqict ɣer Aures Solaire d 15 n yimigawaṭen-taqict ɣer Condor Electronics).

Iketturen-a ad rnun asmi ara bdunt snat n tneɣrafin timaynutin afares s ukettur n 260 n yimigawaṭen-taqict i useggas.

Taneɣraft tamezwarut d « Milltech », ssefrayen ad tt-reẓmen deg Mila yernu ad tebdu afares deg 2020 s ukettur n ufares n 100 n yimigawaṭen-taqict. Taneɣraft tis snat d tin n « Zergoun Green Energy ». Ad terẓem deg Waregla yernu tesɛa akettur n ufares n 160 n yimigawaṭen-taqict.

 

Last modified on Asinas, 01 Dujembeṛ 2020 09:21
Tamguri tamfambulṭt: Iketturen n ufares aɣelnaw ad awḍen ɣer 450 n yimigawaṭen-taqict
  Yeffeɣ-d ass n : Aynas, 30 Wamber 2020 11:23     Taggayt : TADAMSA     Ɣran-t : 0 n tikkal   Bḍu