Menu principal

Menu principal

Trisiti : yettwasemter ulday n uẓeḍwu aɣelnaw i yinfarasen imzurag n trisiti tafukant

Yeffeɣ-d ass n : Aynas, 30 Wamber 2020 10:27   Ɣran-t : 0 n tikkal
Trisiti : yettwasemter ulday n uẓeḍwu aɣelnaw i yinfarasen imzurag n trisiti tafukant

LEZZAYER  TAMANEƔT - Animir i teẓwar i d-yettuɣalen akked tmellilt taẓewrant yessemter-d, deg uneqqis-is aseggasan amezwaru, i wakken ad yeldi uẓeḍwu aɣelnaw n trisiti i yinfarasen imejṭaḥ akked yilemmasen imzurag n trisiti tafukant, yettwali dakken d "tikli igerzen" i beddu n tikkin taẓewrant.

"Neẓra dakken aẓeḍwu n usedger n trisiti d allal amenyif i tukksa n uslemmes n ufares n trisiti s usekcem n teẓwert i d-yettuɣalen, yessefk ad twelleh tmurt ɣer tlila-a akken ad ters ɣef yizudar igerzen", i d-yenna uneqqis n Unimir i teẓwar i d-yettuɣalen akked tmellilt taẓewrant, i yettwasemman "Tikkin taẓewrant deg Lezzayer : Timsirin, addad n yidgen akked yimal akken ad yili usnefli uckiḍ n teẓwar i d-yettuɣalen", yewweḍ-d uneqqis-a i Tnegga n Yisalan n Lezzayer.

Yesmekta-d uneqqis, deg tmuɣli-a, dakken ugar n 70% n ukettur n ufares n trisiti tafukant yettwajemɛen ar ass-a deg umaḍal (586 GW), skecmen-ten akk ɣer yiẓeḍwa n usedger.

Ɣef wakken i d-yenna Unimir i teẓwar i d-yettuɣalen akked tmellilt taẓewrant, azuzzer n tsersiyin tifukanin yeqqnen ɣer uẓeḍwu n usedger ara iḍemnen afares ilan akettur amejṭuḥ neɣ alemmas, d "anekcum igerzen ɣer yiwet n tsetratijit hrawen ugar".

Trisiti : yettwasemter ulday n uẓeḍwu aɣelnaw i yinfarasen imzurag n trisiti tafukant
  Yeffeɣ-d ass n : Aynas, 30 Wamber 2020 10:27     Taggayt : TADAMSA     Ɣran-t : 0 n tikkal   Bḍu