Menu principal

Menu principal

Tanegga Taɣelnawt n Usnegmu d Uselhu n Tnezduɣt tcar-d tamhelt n ufran n usmel

Yeffeɣ-d ass n : Asamas, 29 Wamber 2020 11:19   Ɣran-t : 1 n tikkal
Tanegga Taɣelnawt n Usnegmu d Uselhu n Tnezduɣt tcar-d tamhelt n ufran n usmel

LEZZAYER TAMANEƔT – Tcar-d Tnegga Taɣelnawt i Uselhu d Usnegmu n Tnezduɣt (AADL), ass n usiḍyas tanezzayt, tamhelt taneggarut n ufran n usmel, deg ukatar n wahil n AADL 2 i lfayda n 101.891 n yimsutren deg 33 n twilayin, ɣef wakken ay d-yenna, ass n usiḍyas, unemhal amatu n tnegga-a, Tarek Belaribi.

Tinezduɣin ay d-yettwassumren i ufran n usmel deg Lezzayer wwḍent ɣer 44.457 n tmudrutin, ɣef wakken ay d-yenna unemhal amatu ay d-iwekkden dakken « imsutren ttwanecden-d akken ad fernen… deg 11 n yisemlen ».

I usmekti, azemz n talast i ufran n usmel ssaẓen-t-id ɣer 28 Wamber deg udeg n 30 akken ay d-nnan deg tazwara. « Asmel atan yewjed seg yidis atwilan, yernu ssarameɣ imsutren ad gen afran-nsen s tefses yernu ad farṣen seg tgara n yimalas », ɣef wakken ay d-yessegza.

Tanegga n Yisalan n Lezzayer terza ɣef usmel n AADL yernu twala-d dakken 20 n yisemlen ay d-yettwassumren deg twilayin n Lezzayer, Leblida, Tipaza d Bumerdas i lfayda n yimsutren n twilayt n Lezzayer. Isemlen n Leblida d wid n Bni Tamu, Bwinan, Meftaḥ d Laṛebɛa. Wid n Tipaza d Fuka, Dwawda d Busmaɛil. Win n Bumerdas d Budwaw. Ma d isemlen n twilayt n Lezzayer d Lḥeṛṛac, Rrɣaya, Ddwira, Xrayseyya, Birtuta, Lmalḥa, Dṛaṛya, Lɛacuṛ, Buṛǧ Lbeḥri, Ɛin Lbenyan, Zzradla d Sidi Ɛebdellah.

 

Last modified on Aynas, 30 Wamber 2020 11:48
Tanegga Taɣelnawt n Usnegmu d Uselhu n Tnezduɣt tcar-d tamhelt n ufran n usmel
  Yeffeɣ-d ass n : Asamas, 29 Wamber 2020 11:19     Taggayt : TADAMSA     Ɣran-t : 1 n tikkal   Bḍu