« Mmugreɣ igensasen n ugzum adamsan azzayri, gar-asen ula d tiṛmisin timeqranin. Kra seg-sen usan-d ad iyi-d-inin dakken ur sɛin ara s wacu ara xellṣen tilawiyin, deg wakud aydeg, sin n yiseggasen aya, nnan-iyi-d dakken mer ad d-njemmel ayen sɛan d idrimen ddukkli, ad awḍen yidrimen-nsen ɣer 40 n yimelyaṛen n yidulaṛen », ɣef wakken ay d-yenna Mass Ait Ali Braham deg yiwen n umyager n yimidyaten iɣelnawen.

S waya, yenna-d dakken yessefk ad frun yirgazen-a n yiweẓla uguren n teṛmisin-nsen war ma tteklen ɣef tallalt n uwanak yernu yenna-d dakken Lezzayer ur tezmir ara ad tɛaned tidamsiwin yennegman deg wayen yerzan asukkes n teṛmisin imi ay yella umgerrad gar tugrint d uqader n yinmeqqan.