Aneggaf-a yettwazmel deg yijifeṛ n unmager n « Yimalas Arusi n Teẓwert » deg Musku. Seg yidis n Tuddsa n Tmura Timsiǧwin n Upitṛul, d Mohammad Sanusi Barkindo, amatu amatu n tuddsa-a, ay t-izemlen, ma seg yidis n Unmager n Tmura Timsiǧwin n Wurrig, d amtil-nnes, Yury Sentyurin, ay izemlen aneggaf-a.

« Iswi n uneggaf-a n umtawa d assebded d ussejhed n unmireg deg wayen yerzan irmuden d ucrak n termitin, tannayin, tilɣa d tsemras igerrzen deg tɣula n nnfeɛ ucrik », ɣef wakken ay d-yenna ulɣu-a.

Tiɣula n unmireg ay d-yebder uneggaf-a yella gar-asent « asnuḍef, aslaḍ, asmudem d warid n wulzuz n teẓwert, tizrawin n wulzuz n teẓwert s lqis awezlan, alemmas d uɣezfan, tisnarrayin n tezrawin-a, isefka addadanen n wulzuz n teẓwert, isefka d yisental imehlanen addadanen (am tesnarrayin n ussegrew, aktazel d umsaka n yisefka), izwuren n usnegmu n teẓwert i lmend n unzag d tmasit tawennaḍant d tenmettit deg tɣula niḍen d temsal yerzan nnfeɛ d yiɣeblan ucriken ».