Menu principal

Menu principal

Sin n yiseggasen aya seg wasmi ay aɣ-teǧǧa Nuṛeyya, « tajeǧǧigt n umezgun azzayri »

Yeffeɣ-d ass n : Asinas, 09 Ɣuct 2022 14:50   Ɣran-t : 1 n tikkal
Sin n yiseggasen aya seg wasmi ay aɣ-teǧǧa Nuṛeyya, « tajeǧǧigt n umezgun azzayri »

ZZAYER TAMANEƔT – Nuṛeyya, yellan d udem ameqran n umezgun, tagsarut d tliẓrit tazzayrit, tella tettwassen s ugama-nnes aḥerfi d tmussni-nnes ay tessen amek ara d-turar tayemmat.

Tewweḍ tamella n Yuc, tnaẓurt-a, ass n 10 Ɣuct 2020, ɣer 99 n yiseggasen. Tlul s yisem n Khadidja Benaida deg 1921 deg temdint n Ɛemmi Musa deg twilayt n Tihert yernu tella tettwassen s yisem n tnaẓurt n Nuṛeyya Kazdarli. Tebda amecwaṛ-nnes deg umezgun deg 1945, asmi ay as-yessuter urgaz-nnes, ameṛḥum Mustapha Kazderli, ad teṭṭef adeg n yiwet n tsegbart iɣaben.

D imseḍru Mustapha Badie ay tt-yesbeɣsen akken ad teqqel ɣer tẓuri deg Umezgun Aɣelnaw Azzayri deg 1963, deffir ma tɣab kra n yiseggasen, yernu tudef ɣer tekrut n Mahieddine Bachtarzi aydeg llant daɣ Keltun d Habib Redha d kra n yizeffanen niḍen.

Tewwi-d Nuṛeyya amecwaṛ n 60 n yiseggasen aydeg ay tmuhel ɣer yidis n yismawen d imeqranen n tliẓrit tazzayrit am Farida Saboundji, Chafia Boudraa, Ṛwiced d Ḥasan Lḥsasani.

Menɣir Mustapha Badie wukud ay d-tga mennaw n yimazraren i ṛṛadyu d tliẓrit, Nuṛeyya tmuhel d yimseḍra imeqranen n tegsarut d tliẓrit am Omar Bakhti, Moussa Haddad d Hadj Rahim.

Turar-d deg wugar n 200 n tmezgunin, 160 n yisura n tliẓrit d 4 n yisura iɣezfanen.

Gar temlilin-nnes timeqranin deg tegsarut, yella usaru n « Khoudh maatak Allah » (Awi ayen ay ak-d-yefka Yuc) (1981), « Iḍ yettaggad Tafukt » (1964) akked « Arraw n Teqṣebt » (1963), deg wakud aydeg teflali-d deg tliẓrit deg umazrar n « Al Massir » (Amettwaru) d yifɣulen am « Tislit d Temɣart », « Nettat d Netta » akked « Xalti Ḥnifa ».

Deg umezgun, Nuṛeyya turar-d mennaw n temlilit deg tmesgunin am « Ibeckiḍen n Tyemmat Kerrar », « Tasureft d Ulugen », « Talelluct Tazewwaḍt », « Teryel » akked « Taddart n Bernarada Alba ».

Deffir ma tudef ɣer umezgun aɣelnaw deg 1963, aṭas n tsednan ay d-yernan ɣer yidis-nnes yernu teqqel temlilt n tmeṭṭut tdus deg umezgun azzayri. Deg umezgun, llan ttinin-as « Tajeǧǧigt n Umezgun Azzayri » yernu tedrew, ɣer yidis n Keltum, deg usenfel n tmuɣli n tmetti ɣer tihawt n tmeṭṭut deg tẓurit tis kuẓet (4).

Aɣlif n yidles d tiddukliwin n tẓuri rran-as acḥal n tejmilin. Deg 2017, tettunefk-as tzalɣi n « Umyersi n Teklalit Taɣelnawt » n « Ɛahid » d tajmilt i 60 n yiseggasen ay tekka i lmend n yidles d tẓuri n Zzayer.

 

Last modified on Akwas, 11 Ɣuct 2022 15:01
Sin n yiseggasen aya seg wasmi ay aɣ-teǧǧa Nuṛeyya, « tajeǧǧigt n umezgun azzayri »
  Yeffeɣ-d ass n : Asinas, 09 Ɣuct 2022 14:50     Taggayt : IDLES     Ɣran-t : 1 n tikkal   Bḍu