Menu principal

Menu principal

Abaraz i yiriri n tejmilt i tmeṛḥumt Zulixa yellan d azamul n ccna acawi

Yeffeɣ-d ass n : Asamas, 07 Ɣuct 2022 15:07   Ɣran-t : 0 n tikkal
Abaraz i yiriri n tejmilt i tmeṛḥumt Zulixa yellan d azamul n ccna acawi

ZZAYER TAMANEƔT – Tessuddes Tnegga Tazzayrit i Ufeǧǧeǧ Adelsan, ass n usimwas tameddit deg Tufiṛat n Zzayer n Boualem Bessaih, yiwen n ubaraz d tajmilt i tmeṛḥumt Zulixa, yellan d azamul n ccna acawi d ubedwi inizer.

Han, deg tsehṛa-a, taneɣlaft n yidles d tẓuriwin, Soaraya Mouloudji, aneɣlaf n yimjahden d yimttalasen, Laid Rebiga, aneɣlaf n usemḍen d tesnaddadin, Hocine Cherhabuil, akked kra seg yimaslaḍen n tfekka tadiplumatit.

Tasehṛa-a d tin aydeg ay d-cnan kra seg tezlatin n Zulixa yettwassnen s tezlit-nnes mechuṛen n « Sob rachrach" d tezlatin ticawiyin niḍen, yernu tella-d tedyant-a d tajmilt i tgemmi tazzayrit tinizert.

S uẓawan n tuṛkist ddaw tmehla n uɣella Kamel Maati, mennaw n tnaẓurin ay yemseḍfaren akken ad d-cnun tizlatin n tnaẓurt-a, gar-asen Nadia Guerfi, Bariza, Radia Manal, Donia El Djazaïria akked Dalila Amel. Gar tezlatin ay d-cnant, tella "Rim El Achoua", "Yali Thabouna", "Essayad" akked "Ya Aïni Nouhi".

Deg tinawt-nnes, tenna-d tneɣlaft n yidles d tẓuriwin, Soaraya Mouloudji, dakken Zulixa « teggenses-d tigemmi tazzayrit tinizert n lejdud akken ay tuklal s ccna ay d-yecna tizlatin ticawiyin d tbedwiyin d wagam seg tgemmi n Aissa Djermouni d Hadda Beggar, yernu seg-s daɣ ay d-ugmen kra seg yismawen yettwassnen n uẓawan azzayri am Khelifi Ahmed, Nuṛa, Selwa d Deriassa ».

 

Last modified on Asinas, 09 Ɣuct 2022 14:52
Abaraz i yiriri n tejmilt i tmeṛḥumt Zulixa yellan d azamul n ccna acawi
  Yeffeɣ-d ass n : Asamas, 07 Ɣuct 2022 15:07     Taggayt : IDLES     Ɣran-t : 0 n tikkal   Bḍu