Menu principal

Menu principal

Yura-d udiplumati Said Djinnit adlis ɣef umennuɣ n tmeṭṭut tafriqit

Yeffeɣ-d ass n : Akwas, 28 Yulyu 2022 13:15   Ɣran-t : 1 n tikkal
Yura-d udiplumati Said Djinnit adlis ɣef umennuɣ n tmeṭṭut tafriqit

ZZAYER TAMANEƔT – Yessemned-d udiplumati Said Djinnit, ass n ukras, asarag s Internet ɣef udlis-nnes amaynu « Tazmamt n Maputo niɣ Tabṛat-inu n Tayri i Tmeṭṭut Tafriqit » s udraw n kra n yimeskaren d-yeflalin. Wa d adlis ay d-yellan d tagga ɣef tmeṭṭut n umenẓaw deg ukatar n Uneggaf n Maputo.

Deg udlis-a ay d-yeffɣen ɣer teẓrigin n Casbah, yura-d Mass Djinnit ɣef yiswaɣ yellan deg Maputo, deg Muzambik, deg 11 Yulyu 2003, deg Tqacuct n Tdukli Tafriqit. « Yella-d uzbu d ameqran deg Maputo, maca aneggaf-nni sɛeddan-t ass-nni yakan. Seg wakken iḥuza-iyi waya armi ay d-uriɣ aneqqis aydeg ara awen-d-gelmeɣ ugar tiɣersawin n yiqburen akken ad ẓrent tsutwin ay d-itteddun azal n ubrid d-yettwazegren (i uḍman n yizerfan i tsednan ».

« Negguccel ad tent-nalel (tisednan) akken ad kemmlent amennuɣ-nsent arma kksent-d akk izerfan-nsent ummiden akken ad ilint d tineblagin yegdan d yirgazen « , ɣef wakken ay d-iwekked, deg wakud aydeg tameṭṭut tafriqit ad tesfugel ass-nnes agraɣlan ass n 31 Yulyu.

I lmend n waya, tenna-d tselwayt tityupit Sahle-Work Zewde dakken adiplumati-a yeddem mennaw n tsentayin i lmend n tgadda gar urgaz d tmeṭṭut d temlilt n tmeṭṭut d usmal n talwit d tɣellsit asmi ay yella d adiplumati deg Tuddsa n Tdukli Tafriqit d Yiɣlanen Yeddukklen.

Deg udlis-nnes, Djinnit yeḥka-d amek ay yettwasmel uneggaf n Maputo ɣef yizerfan n tmeṭṭut deg Tefriqt d lḥif ay teṛwa tmeṭṭut deg yiɣrem akked wamek ay tella Zzayer akken kan tewwi azarug.

D aya daɣ ay yeǧǧan taselwayt tityupit ad tfareṣ tagnit akken ad terr tajmilt i tsednan tizzayriyin yernu tenna-d dakken « nnuɣent ɣer yidis n yirgazen deg umennuɣ i uslelli n Zzayer ay yefkan tiɣersawin d timeqqranin am Djamila Bouhired, Hassiba Ben Bouali, Zohra Drif d waṭas n tsednan niḍen ».

Last modified on Asamas, 31 Yulyu 2022 14:52
Yura-d udiplumati Said Djinnit adlis ɣef umennuɣ n tmeṭṭut tafriqit
  Yeffeɣ-d ass n : Akwas, 28 Yulyu 2022 13:15     Taggayt : IDLES     Ɣran-t : 1 n tikkal   Bḍu