Print this page

Arraz Ameqqran Assia Djebar n wungal : wid irebḥen, wwin arraz-nsen deg Zzayer tamaneɣt

Yeffeɣ-d ass n : Asiḍyas, 02 Yulyu 2022 13:24   Ɣran-t : 1 n tikkal
  • Bḍu
Arraz Ameqqran Assia Djebar n wungal : wid irebḥen, wwin arraz-nsen deg Zzayer tamaneɣt

ZZAYER  TAMANEƔT – Inezrafen n Warraz Ameqqran Assia Djebar n wungal, deg teẓrigt-is tis sḍis, tefka arrazen, ass n ukwas (lexmis) deg Zzayer tamaneɣt, i yineggalen Abdallah Kerroum, Muhend Akli Salhi akked Mohamed Abdallah ɣef tṣekkiwin-nsen tiseklanin, yuran s teɛrabt, s tmaziɣt akked tefransit.

S tutlayt taɛrabt, yettunefk Warraz Ameqqran Assia Djebar n wungal i « Tterhan » (tiẓrigin : Khayal), n Abdallah Kerroum, s tutlayt tamaziɣt, yettunefk Warraz i wungal « Tiṭ d yilleḍ, ayen i d-qqarent tewriqin » (tiẓrigin : Imtidad), n Muḥend Akli Salḥi akked « Le vent a dit son nom » (Yefka-d waḍu isem-is) (tiẓrigin : APIC), n Mohamed Abdallah ɣef wungal yura s tefransit.

Wid yewwin Arraz-a, i tessuddes Teṛmist taɣelnawt n teɣwalt, n uẓrag akked udellel (ANEP), ddaw leɛnaya n Mass Aselway n Tegduda, yettunefk-asen deg yiwet n tfugla i ssuddsen deg Wammas agraɣlan n yisaragen (CIC) « Abdelatif-Rahal ».

Teḍra-d tffugla s tihawt n yiɛeggalen n Unabaḍ, n usemtar n Uselway n Tegduda, Hamid Lounaouci, akked wudmawen n usayes adelsan akked win n yimidyaten.

Deg teẓrigt n useggas n 2022, d aɣrud n 158 n wungalen i yettekkan deg Warraz-a aseklan, ssumren-ten-id 51 n yimseẓragen izzayriyen ideg llan 6 n yizwal s tutlayt taɛrabt, 13 s tutlayt tamaziɣt akked 76 nniḍen s tutlayt tafransit. Umuɣ aggaran llan deg-s 13 n wungalen i d-fernen yinezrafen.

Last modified on Asamas, 03 Yulyu 2022 12:06
Arraz Ameqqran Assia Djebar n wungal : wid irebḥen, wwin arraz-nsen deg Zzayer tamaneɣt
  Yeffeɣ-d ass n : Asiḍyas, 02 Yulyu 2022 13:24     Taggayt : IDLES     Ɣran-t : 1 n tikkal   Bḍu