Menu principal

Menu principal

Tafaska Imedɣasen : « Tuk Tuk » akked « Cannibale » ɣlin-d d tagada deg warraz n usaru awezzlan amenyif

Yeffeɣ-d ass n : Aynas, 16 Mayu 2022 14:56   Ɣran-t : 2 n tikkal
Tafaska Imedɣasen : « Tuk Tuk » akked « Cannibale » ɣlin-d d tagada deg warraz n usaru awezzlan amenyif

TABATENT – Taṣekka « Tuk Tuk » (d isem n tkeṛṛust tamejṭuḥt i smahalen d aṭaksi) n umseḍru Mohamed Khider i d-yusan seg tmurt n Maṣer akked « Cannibale » (Ameččamdan) n umseḍru ayirani Ramine Smani, ɣlin-d d tagada deg warraz n usaru awezzlan amenyif n Tfaska tagraɣlant n tegsarut Imedɣasen, deg teẓrigt-is tis snat, i yekfan deg yiḍ n usamas (lḥedd) ar uynas (letniyen), i d-yeḍran deg umezgun amnaḍan n Tbatent, s tihawt n waṭas n yimeshanayen.

Asaru awezzlan « Tuk Tuk », iḥekku-d ɣef umerret ayalas n yiwen n unehhaṛ n « Tuk Tuk », ma d asaru awezzlan wis sin « Cannibale », iḥekku-d amennuɣ ɣef tmeddurt deg yiwen n umaḍal ideg negren yimenzayen ilsanen.

Isura-a iwezzlanen, wwin daɣen, i sin yid-sen, arrazen n temlilt n tsednant tamenyift i yettunefken i Ilham Wajdi (TukTuk) akked temlilt tawlayant tamenyift, yewwi-t usegbar Behzad Dourani (asaru n umeččamden).

Arraz n useḍru amenyif, yewwi-t umseḍru Mahmoud Ahmed i d-yusan seg tmurt n Falasṭin, ma d arraz n usinaryu amenyif, wwin-t d tagada Amal Leblidi (Zzayer) akked Youri Sisuif (Rrus).

Arraz n usemdey amenyif yettunefk i Stilla Meth, ma d win n yinezrafen yewwit umseḍru asuri, Myar Nouri.

Aselwi n tfugla n taggara iga-tt uɣella n ugezdu, Toufik Mezhoud, teḍra-d deg yiwen n yiswaɣ n tmeɣra s tihawt n mennaw n yinaẓuren.

Last modified on Akras, 18 Mayu 2022 16:50
Tafaska Imedɣasen : « Tuk Tuk » akked « Cannibale » ɣlin-d d tagada deg warraz n usaru awezzlan amenyif
  Yeffeɣ-d ass n : Aynas, 16 Mayu 2022 14:56     Taggayt : IDLES     Ɣran-t : 2 n tikkal   Bḍu