Ilul ass n 1 yennayer 1927 deg taddart n at Bumesɛud deg Tizi Wezzu, yettwassen Cherif Kheddam d acennay, d amedyaz, d amsisger akked umẓawan seg gar imezwura n ccna aqbayli n yinig i yebdan amahil-is aẓuran deg tazwara n yiseggasen 1950.

Yunag d axeddam ɣer Fransa deg useggas n 1947, yeḍfer timsirin n tmeddit n usulfaj akked ccna, ɣur Utunsi Mohamed Djamoussi, sakkin yessekles azwel-is amezwaru « Yelli-s n tmurt-iw » deg useggas 1955, yeẓreg-it-id i ddemma n bab-is.

Yesseḍfer-d Cherif Kheddam amazrar n yiḍebsiyen yewwin cciɛa tameqqrant s ukcam-is s umuɣ mucaɛen n uxxam n teẓrigin « Pathé Marconi » seg useggas n 1958 d afella anda i d-yessufeɣ izwilen ɣef umedya « Nadiya » akked « Bgayet telha » yerna yestenya mennaw yisisegran i rradyu tafransit.

Yettagem-d deg useɣnew-is seg lḥif n yinig, Cherif Kheddam aṭas n yismawen imeqqranen n uẓawan i iwehha, hergen-d seg-s amedya n Idir, Lounis Aït Menguellat, Malika Doumrane, neɣ Nouara i yuɣalen d tameṭṭut-is mi d-yuɣal ɣer tmurt-is deg useggas n 1963.

Yemmut Cherif Kheddam ass n 23 yennayer 2012 deg Paris.