Menu principal

Menu principal

Tuffɣa n udlis n « Céramiques d’Alger » n Rachid Sidi Boumediene

Yeffeɣ-d ass n : Asimwas, 21 Yennayer 2022 13:40   Ɣran-t : 10 n tikkal
Tuffɣa n udlis n « Céramiques d’Alger » n Rachid Sidi Boumediene

ZZAYER TAMANEƔT – Yeffeɣ-d udlis amaynu n umaru d umsenmetti Rachid Sidi Boumediene, « Céramiques d’Alger »  (Tisiṛamiyin n Zzayer), d win ay d-yessawalen ɣef wassaɣ ay lan yimezdaɣen n temdint n Zzayer d useqɛed amdinan, yernu yettakf udlis-a azal d amaẓlay i yixxamen d yigemmiwen yellan deg tmaneɣt gar teswuta tis 17 d tis 19.

Adlis-a n 189 n yisebtar yeffeɣ-d deg teẓrigin n ANEP (Tanegga Taɣelnawt n Uẓrag d Usussen) yernu d win ay d-yessawalen ladɣa ɣef udlag agensi n yixxamen n Teqṣebt n Zzayer d tsegda-nnes tazunant d unadi ɣef tizert s teblaḍin n tsiṛamit yettwassnen s yisem n uzelliǧ.

Yefka-d umeskar, deg udlis-nnes, iglamen d imdeqqeqen ɣef talɣiwin tinzegganin d wunuɣen ayyes ttwareqment teblaḍin n tsiṛamit n Zzayer, am wakken ay d-yura ɣef tizert-nsent d wamek ttwasseqdacent i udlag n waṣuken n temdint-a. Yura-d daɣ ɣef wassaɣen isertanen d yinezzanen yellan, deg tallit-nni, gar Zzayer d Utaram d wamek Utrimen llan yakan lan timeɣliwin timeẓrernayin akken ad shersen timura yellan deg unẓul n Yilel Agrakal.

Sidi Boumediene ameskar yerrumsan s useqɛed amdinan yernu yessumer-d i umeɣri asikel d ahuskay deg wakud, d win aydeg ara as-d-yefk tilɣa s ufatus ɣef tujjuṛt n teblaḍin n tsiṛamit, adlag-nsent s tjeǧǧigin d yimɣan d-yettwagmen seg ugama d udlag s yiɣaniben islamanen d tkaligṛafit taɛṛabt.

Yenna-d dakken tasiṛamit yellan tettaweḍ-d ɣer Zzayer tella tettwaɣraf-d deg Ṭṭalyan, Spenyul d Ṭṭerk, am wakken ay tella tettwaɣraf daɣ deg Tunes, yernu, deg waṭas n tikkal, d amsaɣ s timmad-nnes ay yellan yessutur-itt-id seg-in ɣef leḥsab n wakken iḥemmel.

 

Last modified on Asiḍyas, 22 Yennayer 2022 16:47
Tuffɣa n udlis n « Céramiques d’Alger » n Rachid Sidi Boumediene
  Yeffeɣ-d ass n : Asimwas, 21 Yennayer 2022 13:40     Taggayt : IDLES     Ɣran-t : 10 n tikkal   Bḍu