Drus n yimdanen i d-yusan ɣer Leqṣer n Yidles Moufdi-Zakaria, acku yesseḍyeq-it-id uqader igezmen n wakaten n uḥezzeb adawsan mgal n Unfafad Bu Tesmert Covid-19, maca ssawḍen yimeshanayen i d-yusan akken ad dlun ɣef tṣekka tameqqrant n yiwet seg gar tqacucin n uẓawan anedlusan, Akerway, Abderrezak Fakhardji (1911-1984),

D yiwen seg gar wid i yesɛeddan akk tameddurt-is deg uḥraz akked uleqqem n tewsit-a, s useɣnew n yiwet n tiddukla tadelsant i wumi semman « Ifexxarǧiyen », yuɣalen d dduḥ n umḍan ameqqran n yicennayen yuɣalen imir-a d itran.

S tihawt n tselwayt n tiddukla « Tiɣmiwin n Tnedlust », Nawel Fakhardji, (yelli-s n Abderrezak Fekhardji), d nettat i yeldin ussan-a, deg-sen yiwen n wahil abaɣur i d-heyyan yimsuddsen, suddren-ten-id, tanzagt n kraḍ n wussan, yigensasen n yiɣerbazen yemgarden inedlusanen i d-yekkan seg mennaw n temdinin n Lezzayer.