Menu principal

Menu principal

Tafaska n usaru-asirem n Stockholm : Fkan « abdar uzzig » i yilemẓi Nazim Benaidja

Yeffeɣ-d ass n : Akras, 15 Ctembeṛ 2021 13:21   Ɣran-t : 0 n tikkal
Tafaska n usaru-asirem n Stockholm : Fkan « abdar uzzig » i yilemẓi Nazim Benaidja

LEZZAYER  TAMANEƔT – « Abdar uzzig » n Tfaska tagraɣlant n usaru-asirem n Stockholm (Swid), i yettwasuddsen seg 10 ar 13 Ctember, fkan-t i uzeffan ilemẓi azzayri Nazim Benaidja ɣef temlilt-is deg usaru awezlan « Il Reviendra » (Ad yuɣal) n umseḍru Youcef Mahsas, akka i d-icar Wammas azzayri i usnefli n tegsarut ɣef usebter-is n Facebook.

Yella-d ufares n usaru-a s uttekki n Wammas azzayri i usnefli n tegsarut akked teṛmist « Roadcom ». « Il Reviendra » (Ad yuɣal), d asaru awezlan n 30 n tmikin, yeḥka-d yiwet n teḥkayt yeḍran deg useggas 1997. Yebdan usaru deg tmesrit n useṭṭel n Salem, d amdan yesɛan deg leɛmer-is gar 40 akked 50 n yiseggasen, la yesɛedday ass-is aneggaru deg tḥanut-is, acku yebɣ ad yeḥbes armud-iq akken ad tt-yezzenz.

Mi yekker ad isekker taḥanut-is, ikcem-d Zaki akked baba-s ɣer tmesrit, d aqcic ilan deg leɛmer-is 8 n yiseggasen. Yeɛreḍ ubabat-nni ad iqenneɛ Salem akken ad as-yeǧǧ mmi-s ad as-iseṭṭel. Yessegzi-yas dakken yesɛa yiwet n tɣawsa taxatart ad tt-yeg sakkin ad yuɣal ad yawi.

Yebda Salem la yetteṭṭil i uqcic-nni s uqeṣṣer yid-s, dɣa cwiṭ akka, seg id-yeɣli yiḍ, slan teṭṭerḍeq lbumba deg yiwet n tezniqt tanaragt ideg d-teḍra txazabit gan yiremmaɣen.

Ababat n uqcic mazal i d-yuɣal, yufa-d iman-is Salem weḥd-s akked Zaki, i d-yurar akken yessefk yilemẓi Nazim Benaidja ɣer yidis n yizeffanen-iḍen gar-asen Slimane Benouari, Souha Oulha, Ouahid Achour akked Mohamed Bendaoued.

Last modified on Aynas, 20 Ctembeṛ 2021 16:16
Tafaska n usaru-asirem n Stockholm : Fkan « abdar uzzig » i yilemẓi Nazim Benaidja
  Yeffeɣ-d ass n : Akras, 15 Ctembeṛ 2021 13:21     Taggayt : IDLES     Ɣran-t : 0 n tikkal   Bḍu