Menu principal

Menu principal

Tigemmi tadelsant : llant-d tigawin n usmunu n Leqṣur Sfissifa akked Tiwet

Yeffeɣ-d ass n : Asinas, 22 Yunyu 2021 12:01   Ɣran-t : 617 n tikkal
Tigemmi tadelsant : llant-d tigawin n usmunu n Leqṣur Sfissifa akked Tiwet

NƐAMA – Tameḥla n yidles ugezdu n Nɛama tga sin n yikaramen n usmunu, n Leqṣur Sfissifa akked Tiwet, d tigemmiwin tidelsanin tiɣelnawin, i d-yenna ass n uynas (letniyen) unemhal n ugzum-a, Saad Mihoub.

Yenna-d Saad Mihoub dakken ikaramen n sin leqṣur-a ttwasnekden, deg taggara-a, i tegrawt taɣelnawt yettwakelfen s wayla adelsan n uɣlif n Yidles akked tẓuriyin, caren-d dakken ad tili yiwet n tirzi s wannar, ara teg yiwet n tegrawtr tatwilant yemmuzgen n uɣlif akken ad skeyden sakin ad ssuṭṭnen yerzun sin leqṣur-a.

Ur ttɛeṭṭilen ara leqṣur-a, ideg mazal llan aṭas n yirmuden n yimdanen izedɣen sdaxel-nsen, ad ten-smunen d agzum adelsan yettwamsetnen, seg ara ten-smunen d tigemmi tadelsant taɣelnawt.

Ad tili yiwet n temzelt ara d-iḍefren akked uheyyi n yiwet n tezrawt yemmuzgen deg wayen yerzan aɣawas imeɣlal n uḥareb akked tririt n uzal n ugzum yettamsetnen n leqṣur i lmend n tixxutert tasegdant, tasenzikant, tanmezruyt akked tin n tmerrit, ɣef wakken i d-yenna uɣbalu-nni.

Last modified on Akras, 23 Yunyu 2021 16:10
Tigemmi tadelsant : llant-d tigawin n usmunu n Leqṣur Sfissifa akked Tiwet
  Yeffeɣ-d ass n : Asinas, 22 Yunyu 2021 12:01     Taggayt : IDLES     Ɣran-t : 617 n tikkal   Bḍu