Menu principal

Menu principal

« Asefru i Ugeldun Abd el-Kader », d adlis i d-yesmektan iseɣwan yellan gar Lezzayer akked Pulunya

Yeffeɣ-d ass n : Akras, 16 Yunyu 2021 14:41   Ɣran-t : 0 n tikkal
« Asefru i Ugeldun Abd el-Kader », d adlis i d-yesmektan iseɣwan yellan gar Lezzayer akked Pulunya

LEZZAYER  TAMANEƔT - « Asefru i Ugeldun Abd el-Kader », d adlis i d-yettwahergen seg yiwen n uḍris udyiz yura umeswengim ameqqran apuluni Cyptian Kamil Norwid ɣef Ugeldun Abd el-Kader seg d-yessukkes, deg lqern wis XIX deg Dimecq, igiman n yimasiḥiyen seg tmettant, yettwaẓreg-d i lmend n usfugel n tiwḍin n sin leqrun seg d-ilul umedyaz-a, deg ukatar n umbiddel adelsan azzayri apuluni.

Yeffeɣ-d deg teẓrigin Dalimen, adlis-a deg-s 77 n yisebtar, tga-as tazwert tneɣlaft n Yidles akked Tẓuriyin, Malika Bendouda, yettwakkes-d seg uḍris udyiz n Cyprian Kamil Norwid, ilan azwel-a « I Ugeldun Abd el-Kader deg Dimecq ».

Deg uḍris-a, yecker tamuɣli tameɣradant akked telqey taẓremdant n ubabat n Uɣlan azzayri, ibedden mgal, deg useggas n 1860, n tegrawt n Yidruziyen yebɣan ad nɣen imasiḥiyen n Dimecq, i d-yessegrew ɣur-s akken ad ten-yemmesten.

D asentel ara yilin d tanezgart tadelsant yerna d anmezruyt gar Lezzayer akked Pulunya, igerrez i usfugel n sin leqrun seg tlalit n umedyaz ameqqran apuluni, ara yeqqimen kra ara yeqqim useggas n 2021.

Last modified on Asinas, 22 Yunyu 2021 17:18
« Asefru i Ugeldun Abd el-Kader », d adlis i d-yesmektan iseɣwan yellan gar Lezzayer akked Pulunya
  Yeffeɣ-d ass n : Akras, 16 Yunyu 2021 14:41     Taggayt : IDLES     Ɣran-t : 0 n tikkal   Bḍu