Menu principal

Menu principal

Yessefk ad nefk azal adamsan i yidgen isenzikanen n tmurt

Yeffeɣ-d ass n : Asinas, 11 Mayu 2021 14:29   Ɣran-t : 0 n tikkal
Yessefk ad nefk azal adamsan i yidgen isenzikanen n tmurt

BUMERDAS – Taneɣlaft n Yidles akked Tẓuryin, Malika Bendouda tsat ass n uynas (letniyen) deg Bumerdas ɣef tixxutert akked wakken yessefk ad nefk azal adamsan i wakk idgen isenzikanen n tmurt seg yidis adelsan akked win n tmerrit akken ad sfaydin yimdanen akked twennaḍt i asen-d-yezzin.

« Yewweḍ-d ukud akken ad neldi iger i tdamsa tadelsant s uṣerref ɣef yidgen isenzikanen, s uḍfar n uttafttar n yilugan ara yeslugnen aṣerref-a », i d-tenna Massa Bendouda deg yiwet n tseɣrut i tɣamsa, ɣer tama n yiwet n tirzi n uswaḍ i tga i mennaw n yisenfaren idelsanen akked yidgen isenzikanen n ugezdu.

Tenna-d i lmend n waya, dakken d axatar usekcem n udeg asenzikan « Mersa Ddeǧǧaǧ » deg « ukatar-is amaynu », s « tikci n uzal adelsan akked umerran akken ad yezmer ad yessekcem idrimen (seg yidis adamsan) i tmennḍt i as-d-yezzin », i d-tessegzi Massa Bendouda.

 

Terna tezzireg-d dakken nezmer ad nerr adeg-a d « yiwen n udeg adelsan akked umerran ufrin » s tnila i as-fkan, i d-tenna tneɣlaft i iḥedren i yiwen ufsar yerzan amesten n udeg-a akked temzelt n uẓerreb-is.

Last modified on Aynas, 17 Mayu 2021 14:38
Yessefk ad nefk azal adamsan i yidgen isenzikanen n tmurt
  Yeffeɣ-d ass n : Asinas, 11 Mayu 2021 14:29     Taggayt : IDLES     Ɣran-t : 0 n tikkal   Bḍu