Menu principal

Menu principal

Taẓrigt tamezwarut n Tmesrit n udlis Mouloud Mammeri n At Yanni : umaren yimsuddsen

Yeffeɣ-d ass n : Akwas, 15 Yebrir 2021 14:54   Ɣran-t : 12 n tikkal
Taẓrigt tamezwarut n Tmesrit n udlis Mouloud Mammeri n At Yanni : umaren yimsuddsen

LEZZAYER  TAMANEƔT – Taẓrigt tamezwarut n « Tmesrit n udlis Mouloud Mammeri » n At Yanni (Tizi Uzzu) i d-yeḍran seg 08 ar 10 Yebrir tessaweḍ lebɣi-s deg wayen yerzan azamul, i lmend n yisem tewwi, d udem ameqqran n yidles akked tsekla tazzayrit, ddeqs i yimerza i iruḥen ɣer-s yerna tuɣ tafat-is ɣef temnaḍt akk n Tizi Uzzu. Umaren yimsuddsen-is i la yessefraken daɣen Tiddukla tadelsant n akked Dehhu n yilemẓiyen (ACLJ), yerna weɛden-aɣ « ad gen ugar » deg teẓrigin i d-iteddun.

« Nezmer ad nini ɣef termit-a tamenzut, tacrawt n teẓrigt-a n tmesrit tgerrez. Ɣas akken llant kra n tucḍiwin, d atent-nesseɣti deg teẓrigin i d-iteddun. Bɣiɣ ad zuleɣ, ladɣa imerza akked wid akk yettekkan ɣef leḥdaqa-nsen akked uqader-nsen, d nitni i tt-yesneǧḥen », i d-yenna i Tnegga n Yisalan n Lezzayer, ukellef s teɣwalt n tiddukla, Makhlouf Boughareb.

Yesḥassef dakken ddeqs n yimeskaren akked yisaragen ur nessaweḍ ara ad ten-id-nesnebgi neɣ wid i nniqal ad asen, ur d-rrin ara ɣef tinnubga-nsen, yerna yenna-d daɣen ɣas akken s umata ddant tɣawsiwin akken yessefk, aṭas n wuguren i d-mlalen yimeskaren akked ad ssenzen idlisen-nsen yuran s tmaziɣt, sakin yesmekti-d dakken gan deg tmesrit-a azal n 20 n yisaragen isnetlanen, asenzi s usstenyi n wazal n kumraw n yimeskaren akked uttekki n 17 n yixxamen n teẓrigin tiɣelnawin.

Iger-d tamawt ɣef « tanfa » yefkan yimttekkiyen akked yimerza, yellan krak kan kraḍ wussan la tezzin ɣef yidlisen i d-yettwazikknen akken ad afen tiẓigin timaynutin neɣ izewlen bɣan yakan ad ten-id-aɣen yerna ḍefren s uzɣan isarage-nni akk. D tuttriwin s wazal-nsent deg wayen yerzan amezruy neɣ tamagit akked yidles amaziɣ, i nwala din.

Last modified on Aynas, 19 Yebrir 2021 14:22
Taẓrigt tamezwarut n Tmesrit n udlis Mouloud Mammeri n At Yanni : umaren yimsuddsen
  Yeffeɣ-d ass n : Akwas, 15 Yebrir 2021 14:54     Taggayt : IDLES     Ɣran-t : 12 n tikkal   Bḍu