Print this page

Asaru azzayri « Kayen Ouela Ma Kanech (Yella neɣ ulac) » yewwi arraz deg Tfaska n tegsarut n Beḥrin

Yeffeɣ-d ass n : Asiḍyas, 10 Yebrir 2021 12:05   Ɣran-t : 0 n tikkal
  • Bḍu
Asaru azzayri « Kayen Ouela Ma Kanech (Yella neɣ ulac) » yewwi arraz deg Tfaska n tegsarut n Beḥrin

LEZZAYER  TAMANEƔT – Asaru awezlan n uferriɣ « Kayen Ouela Ma Kanech (Yella neɣ ulac) » n umseḍru azzayri Kada Abdellah yewwi arraz « Anezraf n Tfaska n tegsarut n Beḥrin » deg teẓrigt-is tamezwarut i yekfan ass n Ukraḍas (larebɛa) tameddit sakin msakin-tt-id deg Youtube, i d-caren yimsuddsen.

Asaru awezlan « Kayen Ouela Ma Kanech (Yella neɣ ulac) » n umseḍru azzayri Kada Abdellah yewwi arraz n unezraf n Tfaska n tegsarut n Beḥrin deg taggayt n usaru awezlan n uferriɣ.

Tagada n yizerfan i yimeɛduren i d asentel agejdan n Usaru « Kayen Ouela Ma Kanech (Yella neɣ ulac) », i yewwin send n waya arraz n « tṣekka yemmden tamenyif » mi yettekka daɣen deg wussan n usaru awezlan n Tsemsilt (wamber 2018) akked Ɛin Kbira deg Sṭif (Meɣres 2019) akked teẓrigt tis snat n Tfaska taɣelnawt n usaru asdawan n Wehran (aseggas 2020).

Caren-d ismawen n wid irebḥen deg taggayin yellan deg temzizelt deg ukatar n Tfaska tagsurant n Baḥrin i d-yeḍra ddaw n usentel « tagsarut i timan-ik ».

Asaru « The Swan Song » n Umerruki Yazid Al Kadri yewwi azzaz amenyif n usaru awezlan n uferriɣ, « Les Sept Villages », yesseḍra-t-id umesḍru Alubnani Farah Abu Kharroub, yewwi Arraz n ufetraw amenyif, asaru n uyurduni"Buttons" i d-yesseḍra Ahmed Jaber akked usaru amaṣri « Tok Tok », i d-yesseḍra Mohamed Khadiront wwin arraz n usaru amenyif n wunuɣen yettembiwilen akked tṣekka tamenyift asednan ».Wwḍen-d ɣur Tfaska 450 n yisura n 18 n tmura taɛrabin akked anagar 92 n yisura i yettwaqbalen.

Last modified on Asamas, 11 Yebrir 2021 15:23
Asaru azzayri « Kayen Ouela Ma Kanech (Yella neɣ ulac) » yewwi arraz deg Tfaska n tegsarut n Beḥrin
  Yeffeɣ-d ass n : Asiḍyas, 10 Yebrir 2021 12:05     Taggayt : IDLES     Ɣran-t : 0 n tikkal   Bḍu