Menu principal

Menu principal

Lezzayer tettakf « azal d ameqqran » i yidles, tiẓuriwin d tgemmi

Yeffeɣ-d ass n : Letniyen, 08 Fuṛaṛ 2021 10:34   Ɣran-t : 154 n tikkal
Lezzayer tettakf « azal d ameqqran » i yidles, tiẓuriwin d tgemmi

LEZZAYER TAMANEƔT – Lezzayer tettekf « tixxutert d tameqqrant » i yidles, tiẓuriwin d tgemmi yernu ayen d-yesskanayen aya d tidyanin tidelsanin d tẓuranin ay tessuddus i lmend n usemyades gar yiɣerfan ifriqiyen yernu ad tebnu, s waya, tileggiyin n tegmat yernu ad temsaka azalen n tsurfa, adiwenni d umyades.

Isumren ay d-yeddan deg ukatar n tedwilt tis 34 n tqacuct n yiɣellaten n uwanak d unabaḍ n Tdukli Tafriqit ay d-yellan ussan n 6 d 7 Fuṛaṛ d wid ay yeslummsen ɣef « temlilt n yidles tafriqit deg umennuɣ i uslelli ay yellan yernu mazal-it d aɣbalu n zzux i yiɣerfan d yiwanaken-nneɣ » yernu iban-d waya deg teẓrigin tamezwarut d tis snat n Tfaska Tadelsant Tafriqit ay d-yellan deg Lezzayer deg 1969 d 2009.

Tadyant-a tafriqit tettekka mliḥ deg usemyades adelsan gar yiɣerfan ifriqiyen d umsaka n wazalen n tsurfa d udiwenni, am wakken ay d-tella d tiɣri i ugdal n wakk talɣiwin n tekriḍt, n uksan d umeḥyaf, yernu d aya ara d-yesduqqsen ussisen i uḥraz n tgemmi tadelsant tafriqit, asuɣal n tsawiyin tisenzikanin yettwakren d usuɣal n teṛcibin n Lezzayer yellan ɣer Fṛansa.

Lezzayer tessumer-d ɣer-s ara tili tesɣimt n Usalay Ameqqran n Tefriqt yellan d asenfar ameqqran deg Tesmektayt n 2063 n Tdukli Tafriqit, yernu tules twekked-d anmeqqen-nnes akken ad tesɛu akk ayen yessefken akken ad teqqel d asfaylu adelsan afriqi am wakken ara teqqel d aɣbalu n ufeǧǧeǧ adelsan i wakk amenẓaw afriqi ay yesɛan tigemmi taẓurant yeqqlen ɣer uzarmezruy yernu d win ay d-yettbanen mliḥ s uẓawan afriqi, aẓawan ameɣradan, tifreska d tekla tinefriyin d tenḍa tutlayant yellan d udem niḍen n tbaɣurt n tgemmi tafriqit.

Asenfar-a d win ay d-yesskanayen azal ameqqran yettunefken i yidisan yemgerraden n twegda d tmagit tiɣelnawin yernu iswi n Tesmektayt n 2063 n Tefriqt d timeṣkiwt n tdukli tafriqit i lmend n tleslalit tadelsant n tidet d uḍman n tenkelwit akken ad tezmer Tefriqt ad temmesten tamagit-nnes, ayla-nnes amezruyan d tgemmi-nnes tadelsant.

 

 

Last modified on Letniyen, 08 Fuṛaṛ 2021 11:35
Lezzayer tettakf « azal d ameqqran » i yidles, tiẓuriwin d tgemmi
  Yeffeɣ-d ass n : Letniyen, 08 Fuṛaṛ 2021 10:34     Taggayt : IDLES     Ɣran-t : 154 n tikkal   Bḍu